Lucian, Piscator, (no name) 12:

(루키아노스, Piscator, (no name) 12:)

πολλάκισ δὲ ἢ αὐτὸσ εἰκάσασ ἢ ξεναγήσαντόσ τινοσ ἧκον ἂν ἐπί τινασ θύρασ βεβαίωσ ἐλπίσασ τότε γοῦν εὑρηκέναι, τεκμαιρόμενοσ τῷ πλήθει τῶν εἰσιόντων τε καὶ ἐξιόντων, ἁπάντων σκυθρωπῶν καὶ τὰ σχήματα εὐσταλῶν καὶ φροντιστικῶν τὴν πρόσοψιν μετὰ τούτων οὖν συμπαραβυσθεὶσ καὶ αὐτὸσ εἰσῆλθον ἄν. εἶτα ἑώρων γύναιόν τι οὐχ ἁπλοϊκόν, εἰ καὶ ὅτι μάλιστα εἰσ τὸ ἀφελὲσ καὶ ἀκόσμητον ἑαυτὴν ἐπερρύθμιζεν, ἀλλὰ κατεφάνη μοι αὐτίκα οὐδὲ τὸ ἄνετον δοκοῦν τῆσ κόμησ ἀκαλλώπιστον ἐῶσα οὐδὲ τοῦ ἱματίου τὴν ἀναβολὴν ἀνεπιτηδεύτωσ περιστέλλουσα· πρόδηλοσ δὲ ἦν κοσμουμένη αὐτοῖσ καὶ πρὸσ εὐπρέπειαν τῷ ἀθεραπεύτῳ δοκοῦντι προσχρωμένη. ὑπεφαίνετο δέ τι καὶ ψιμύθιον καὶ φῦκοσ, καὶ τὰ ῥήματα πάνυ ἑταιρικά, καὶ ἐπαινουμένη ὑπὸ τῶν ἐραστῶν εἰσ κάλλοσ ἔχαιρε, καὶ εἰ δοίη τισ προχείρωσ ἐδέχετο, καὶ τοὺσ πλουσιωτέρουσ ἂν παρακαθισαμένη πλησίον τοὺσ πένητασ τῶν ἐραστῶν οὐδὲ προσέβλεπεν. πολλάκισ δὲ καὶ γυμνωθείσησ αὐτῆσ κατὰ τὸ ἀκούσιον ἑώρων περιδέραια χρυσᾶ τῶν κλοιῶν παχύτερα. ταῦτα ἰδὼν ἐπὶ πόδα ^ ἂν εὐθὺσ ἀνέστρεφον, οἰκτείρασ δηλαδὴ τοὺσ κακοδαίμονασ ἐκείνουσ ἑλκομένουσ πρὸσ αὐτῆσ οὐ τῆσ ῥινὸσ ἀλλὰ τοῦ πώγωνοσ καὶ κατὰ τὸν Ἰξίονα εἰδώλῳ ἀντὶ τῆσ Ἥρασ συνόντασ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION