Lucian, Piscator, (no name) 10:

(루키아노스, Piscator, (no name) 10:)

τί ποιοῦμεν, ὦ Πυθαγόρα καὶ Σώκρατεσ; ἡ δὲ δικασάτω, καὶ ἡμεῖσ ἀγαπήσομεν οἷσ ἂν ἐκείνη διαγνῷ. ἐοίκε γὰρ ἁνὴρ οὐκ ἄλογα προκαλεῖσθαι δικάζεσθαι ἀξιῶν. τί δὲ ἄλλο ἢ βαδίζωμεν ἐπὶ τὸ δικαστήριον καὶ τὴν Φιλοσοφίαν παραλαβόντεσ ἀκούσωμεν ὅ τι καὶ ἀπολογήσεται· τὸ πρὸ δίκησ γὰρ οὐχ ἡμέτερον, ἀλλὰ δεινῶσ ἰδιωτικόν, ὀργίλων τινῶν ἀνθρώπων καὶ τὸ δίκαιον ἐν τῇ χ; χειρὶ τιθεμένων. παρέξομεν οὖν ἀφορμὰσ τοῖσ κακηγορεῖν ἐθέλουσιν καταλεύσαντεσ ἄνδρα μηδὲ ἀπολογησάμενον ὑπὲρ ἑαυτοῦ, καὶ ταῦτα δικαιοσύνῃ χαίρειν αὐτοὶ λέγοντεσ. ἢ τί ἂν εἴποιμεν Ἀνύτου καὶ Μελήτου πέρι, τῶν ἐμοῦ κατηγορησάντων, ἢ τῶν τότε δικαστῶν, εἰ οὗτοσ τεθνήξεται μηδὲ τὸ παράπαν ὕδατοσ μεταλαβών; ἄριστα παραινεῖσ, ὦ Σώκρατεσ· ὥστε ἀπίωμεν ἐπὶ τὴν Φιλοσοφίαν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION