헬라어 문장 검색 - Λυξιαν́Πηιλοπσ́1́0́26́

(루키아노스, Philopsuedes sive incredulus, (no name) 26:)

ὡσ δὲ ταῦτα εἶπεν ὁ Ἀρίγνωτοσ, ἀνὴρ δαιμόνιοσ τὴν σοφίαν καὶ ἅπασιν αἰδέσιμοσ,^ οὐδεὶσ ἦν ἔτι τῶν παρόντων ὃσ οὐχὶ κατεγίγνωσκέ μου πολλὴν τὴν ἄνοιαν τοῖσ τοιούτοισ ἀπιστοῦντοσ, καὶ ταῦτα Ἀριγνώτου λέγοντοσ. "ὦ Ἀρίγνωτε; "καὶ σὺ τοιοῦτοσ ἦσθα, ἡ μόνη ἐλπὶσ τῆσ ἀληθείασ ‐ καπνοῦ μεστὸσ καὶ ἰνδαλμάτων; "τὸ γοῦν τοῦ λόγου ἐκεῖνο, ἄνθρακεσ ἡμῖν ὁ θησαυρὸσ πέφηνε. "εἰ μήτε ἐμοὶ πιστεύεισ μήτε Δεινομάχῳ ἢ Κλεοδήμῳ τουτωῒ μήτε αὐτῷ Εὐκράτει, φέρε εἰπὲ τίνα περὶ τῶν τοιούτων ἀξιοπιστότερον ἡγῇ τἀναντία ἡμῖν λέγοντα; "μάλα θαυμαστὸν ἄνδρα τὸν Ἀβδηρόθεν ἐκεῖνον Δημόκριτον, ὃσ οὕτωσ ἄρα ἐπέπειστο μηδὲν οἱο͂́ν τε εἶναι συστῆναι τοιοῦτον ὥστε, ἐπειδὴ καθείρξασ ἑαυτὸν εἰσ μνῆμα ἔξω πυλῶν ἐνταῦθα διετέλει γράφων καὶ συντάττων καὶ νύκτωρ καὶ μεθ’ ἡμέραν, καί τινεσ τῶν νεανίσκων ἐρεσχελεῖν αὐτὸν βουλόμενοι καὶ δειματοῦν στειλάμενοι νεκρικῶσ ^ ἐσθῆτι μελαίνῃ καὶ προσωπείοισ εἰσ τὰ κρανία μεμιμημένοισ περιστάντεσ αὐτὸν περιεχόρευον ὑπὸ πυκνῇ τῇ βάσει ἀναπηδῶντεσ, ὁ δὲ οὔτε ἔδεισεν τὴν προσποίησιν αὐτῶν οὔτε ὅλωσ ἀνέβλεψεν πρὸσ αὐτούσ, ἀλλὰ μεταξὺ γράφων, ’ παύσασθε,’ ἔφη, ’ παίζοντεσ· "’ οὕτω βεβαίωσ ἐπίστευε μηδὲν εἶναι τὰσ ψυχὰσ ἔτι ἔξω γενομένασ τῶν σωμάτων. "ἀνόητόν τινα ἄνδρα καὶ τὸν Δημόκριτον γενέσθαι, εἴ γε οὕτωσ ἐγίγνωσκεν. "ἐγὼ δὲ ὑμῖν καὶ ἄλλο διηγήσομαι αὐτὸσ παθών, οὐ παρ’ ἄλλου ἀκούσασ· "τάχα γὰρ ἂν καὶ σύ, ὦ Τυχιάδη, ἀκούων προσβιβασθείησ πρὸσ τὴν ἀλήθειαν τῆσ διηγήσεωσ. "ὁπότε γὰρ ἐν Αἰγύπτῳ διῆγον ἔτι νέοσ ὤν, ὑπὸ τοῦ πατρὸσ ἐπὶ παιδείασ προφάσει ἀποσταλείσ, ἐπεθύμησα εἰσ Κοπτὸν ἀναπλεύσασ ἐκεῖθεν ἐπὶ τὸν Μέμνονα ἐλθὼν ἀκοῦσαι τὸ θαυμαστὸν ἐκεῖνο ἠχοῦντα πρὸσ ἀνίσχοντα τὸν ἥλιον. "ἐκείνου μὲν οὖν ἤκουσα οὐ κατὰ τὸ κοινὸν τοῖσ πολλοῖσ ἄσημόν τινα φωνήν, ἀλλά μοι καὶ ἔχρησεν ὁ Μέμνων αὐτὸσ ἀνοίξασ γε τὸ στόμα ἐν ἔπεσιν ἑπτά, καὶ εἴ γε μὴ περιττὸν ἦν, αὐτὰ ἂν ὑμῖν εἶπον τὰ ἔπη. "κατὰ δὲ τὸν ἀνάπλουν ἔτυχεν ἡμῖν συμπλέων Μεμφίτησ ἀνὴρ τῶν ἱερῶν γραμματέων,^ θαυμάσιοσ τὴν σοφίαν καὶ τὴν παιδείαν πᾶσαν εἰδὼσ τὴν Αἰγύπτιον ἐλέγετο δὲ τρία καὶ εἴκοσιν ἔτη ἐν τοῖσ ἀδύτοισ ὑπόγειοσ ᾠκηκέναι μαγεύειν παιδευόμενοσ ὑπὸ τῆσ Ἴσιδοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Philopsuedes sive incredulus, (no name) 26:

(루키아노스, Philopsuedes sive incredulus, (no name) 26:)

상위

목록

SEARCH

MENU NAVIGATION