Lucian, Philopsuedes sive incredulus, (no name) 25:

(루키아노스, Philopsuedes sive incredulus, (no name) 25:)

ἤρετο ὁ Εὐκράτησ. "ἐκ πολλοῦ ὑπὸ δειμάτων, εἰ δέ τισ οἰκήσειεν εὐθὺσ ἐκπλαγεὶσ ἔφευγεν, ἐκδιωχθεὶσ ὑπό τινοσ φοβεροῦ καὶ ταραχώδουσ; "φάσματοσ. "συνέπιπτεν οὖν ἤδη καὶ ἡ στέγη κατέρρει, καὶ ὅλωσ οὐδεὶσ ἦν ὁ θαρρήσων παρελθεῖν εἰσ αὐτήν. ἐγὼ δὲ ἐπεὶ ταῦτα ἤκουσα, τὰσ βίβλουσ λαβὼν ‐ εἰσὶ δέ μοι Αἰγύπτιαι μάλα πολλαὶ περὶ τῶν τοιούτων ‐ ἧκον εἰσ τὴν οἰκίαν περὶ πρῶτον ὕπνον ἀποτρέποντοσ τοῦ ξένου καὶ μόνον οὐκ ἐπιλαμβανομένου, ἐπεὶ ἔμαθεν οἷ βαδίζοιμι, εἰσ προὖπτον κακόν, ὡσ ᾤετο. "ἐγὼ δὲ λύχνον λαβὼν μόνοσ εἰσέρχομαι, καὶ ἐν τῷ μεγίστῳ οἰκήματι καταθεὶσ τὸ φῶσ ἀνεγίγνωσκον ἡσυχῇ χαμαὶ καθεζόμενοσ· "ἐφίσταται δὲ ὁ δαίμων ἐπί τινα τῶν πολλῶν ἥκειν νομίζων καὶ δεδίξεσθαι κἀμὲ ἐλπίζων ὥσπερ τοὺσ ἄλλουσ, αὐχμηρὸσ καὶ κομήτησ καὶ μελάντεροσ τοῦ ζόφου. "καὶ ὁ μὲν ἐπιστὰσ ἐπειρᾶτό μου, πανταχόθεν προσβάλλων εἴ ποθεν κρατήσειεν, καὶ ἄρτι μὲν κύων ἄρτι δὲ ταῦροσ γιγνόμενοσ ἢ λέων. "ἐγὼ δὲ προχειρισάμενοσ τὴν φρικωδεστάτην ἐπίρρησιν αἰγυπτιάζων τῇ φωνῇ συνήλασα κατᾴδων αὐτὸν εἴσ τινα γωνίαν σκοτεινοῦ οἰκήματοσ· "ἰδὼν δὲ αὐτὸν οἷ κατέδυ, τὸ λοιπὸν ἀνεπαυόμην. "ἑώθεν δὲ πάντων ἀπεγνωκότων καὶ νεκρὸν εὑρήσειν με οἰομένων καθάπερ τοὺσ ἄλλουσ, προελθὼν ἀπροσδόκητοσ ἅπασι πρόσειμι τῷ Εὐβατίδῃ, εὖ ἀγγέλλων ὅτι καθαρὰν αὐτῷ καὶ ἀδείμαντον ἤδη ἐξῆν ^ τὴν οἰκίαν οἰκεῖν. παραλαβὼν οὖν αὐτόν τε καὶ τῶν ἄλλων πολλοὺσ ‐ εἵποντο γὰρ τοῦ παραδόξου ἕνεκα ‐ ἐκέλευον ἀγαγὼν ἐπὶ τὸν τόπον οὗ καταδεδυκότα τὸν δαίμονα ἑωράκειν, σκάπτειν λαβόντασ δικέλλασ καὶ σκαφεῖα, καὶ ἐπειδὴ ἐποίησαν, εὑρέθη ὅσον ἐπ’ ὀργυιὰν κατορωρυγμένοσ τισ νεκρὸσ ἑώλοσ μόνα τὰ ὀστᾶ κατὰ σχῆμα συγκείμενοσ. "ἐκεῖνον μὲν οὖν ἐθάψαμεν ἀνορύξαντεσ, ἡ οἰκία δὲ τὸ ἀπ’ ἐκείνου ἐπαύσατο ἐνοχλουμένη ὑπὸ τῶν φασμάτων.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION