헬라어 문장 검색 - Λυξιαν́Πηιλοπσ́1́0́22́

(루키아노스, Philopsuedes sive incredulus, (no name) 22:)

"ὦ Εὔκρατεσ, οἱ κύνεσ δὲ τῆσ θεοῦ πηλίκοι τὸ μέγεθοσ ἦσαν; "ὑψηλότεροι τῶν Ἰνδικῶν, μέλανεσ καὶ αὐτοὶ καὶ λάσιοι πιναρᾷ καὶ αὐχμώσῃ τῇ λάχνῃ. ‐ ἐγὼ μὲν οὖν ἰδὼν ἔστην ἀναστρέψασ ἅμα τὴν σφραγῖδα ἥν μοι ὁ Ἄραψ . ἔδωκεν εἰσ τὸ εἴσω τοῦ δακτύλου· "ἡ Ἑκάτη δὲ πατάξασα τῷ δρακοντείῳ ποδὶ τοὔδαφοσ ἐποίησεν χάσμα παμμέγεθεσ, ἡλίκον Ταρτάρειον τὸ βάθοσ· "εἶτα ᾤχετο μετ’ ὀλίγον ἁλλομένη εἰσ αὐτό. ἐγὼ δὲ θαρρήσασ ἐπέκυψα λαβόμενοσ δένδρου τινὸσ πλησίον πεφυκότοσ, ὡσ μὴ σκοτοδινιάσασ ἐμπέσοιμι ἐπὶ κεφαλὴν εἶτα ἑώρων τὰ ἐν Αἳδου ἅπαντα, τὸν Πυριφλεγέθοντα, τὴν λίμνην, τὸν Κέρβερον, τοὺσ νεκρούσ, ὥστε γνωρίζειν ἐνίουσ αὐτῶν τὸν γοῦν πατέρα εἶδον ἀκριβῶσ αὐτὰ ἐκεῖνα ἔτι ἀμπεχόμενον ἐν οἷσ αὐτὸν κατεθάψαμεν. "ὦ Εὔκρατεσ, αἱ ψυχαί; "ἢ κατὰ φῦλα καὶ φρήτρασ μετὰ τῶν φίλων καὶ συγγενῶν διατρίβουσιν ἐπὶ τοῦ ἀσφοδέλου κατακείμενοι. "οἱ ἀμφὶ τὸν Ἐπίκουρον τῷ ἱερῷ Πλάτωνι καὶ τῷ περὶ τῶν ψυχῶν λόγῳ. σὺ δὲ μὴ καὶ τὸν Σωκράτην αὐτὸν καὶ τὸν Πλάτωνα εἶδεσ ἐν τοῖσ νεκροῖσ; "οὐδὲ τοῦτον σαφῶσ, ἀλλὰ εἰκάζων ὅτι φαλακρὸσ καὶ προγάστωρ ἦν· "τὸν Πλάτωνα δὲ οὐκ ἐγνώρισα· "χρὴ γάρ, οἶμαι, πρὸσ φίλουσ ἄνδρασ τἀληθῆ λέγειν. "ἅμα δ’ οὖν ἐγώ τε ἅπαντα ἱκανῶσ ἑωράκειν, καὶ τὸ χάσμα συνῄει καὶ συνέμυε· "καί τινεσ τῶν οἰκετῶν ἀναζητοῦντέσ με, καὶ Πυρρίασ οὗτοσ ἐν αὐτοῖσ, ἐπέστησαν οὔπω τέλεον μεμυκότοσ τοῦ χάσματοσ. "εἰπέ, Πυρρία, εἰ ἀληθῆ λέγω. "νὴ Δί’, ἔφη ὁ Πυρρίασ, καὶ ὑλακῆσ δὲ ἤκουσα διὰ τοῦ χάσματοσ καὶ πῦρ τι ὑπέλαμπεν, ἀπὸ τῆσ δᾳδόσ μοι δοκεῖν. κἀγὼ ἐγέλασα ἐπιμετρήσαντοσ τοῦ μάρτυροσ τὴν ὑλακὴν καὶ τὸ πῦρ. ὁ Κλεόδημοσ δέ, οὐ καινά, εἶπεν, οὐδὲ ἄλλοισ ἀόρατα ταῦτα εἶδεσ, ἐπεὶ καὶ αὐτὸσ οὐ πρὸ πολλοῦ νοσήσασ τοιόνδε τι ἐθεασάμην ἐπεσκόπει δέ με καὶ ἐθεράπευεν Ἀντίγονοσ οὗτοσ. "ἑβδόμη μὲν ἦν ἡμέρα, ὁ δὲ πυρετὸσ οἱο͂σ καῦσοσ σφοδρότατοσ. "ἅπαντεσ δέ με ἀπολιπόντεσ ἐπ’ ἐρημίασ ἐπικλεισάμενοι τὰσ θύρασ ἔξω περιέμενον οὕτω γὰρ αὐτὸσ ἐκέλευσασ, ὦ Ἀντίγονε, εἴ πωσ δυνηθείην εἰσ ὕπνον τραπέσθαι. "τότε οὖν ἐφίσταταί μοι νεανίασ ἐγρηγορότι πάγκαλοσ λευκὸν ἱμάτιον περιβεβλημένοσ, εἶτα ἀναστήσασ ἄγει διά τινοσ χάσματοσ εἰσ τὸν Αἳδην, ὡσ αὐτίκα ἐγνώρισα Τάνταλον ἰδὼν καὶ Τιτυὸν καὶ Σίσυφον. "καὶ τά μὲν ἄλλα τί ἂν ὑμῖν λέγοιμι; "ἐπεὶ δὲ κατὰ τὸ δικαστήριον ἐγενόμην ‐ παρῆν δὲ καὶ ὁ Αἰακὸσ καὶ ὁ Χάρων καὶ αἱ Μοῖραι καὶ αἱ Ἐρινύεσ ‐ ὁ μέν τισ ὥσπερ βασιλεὺσ ὁ Πλούτων,^ μοι δοκεῖ καθῆστο ἐπιλεγόμενοσ τῶν τεθνηξομένων τὰ ὀνόματα, οὓσ ἤδη ὑπερημέρουσ τῆσ ζωῆσ συνέβαινεν εἶναι. "ὁ δὲ νεανίσκοσ ἐμὲ φέρων παρέστησεν αὐτῷ· "ὁ δὲ Πλούτων ἠγανάκτησέν τε καὶ πρὸσ τὸν ἀγαγόντα με, ’ οὔπω πεπλήρωται,’ φησίν, ’ τὸ νῆμα αὐτῷ, ὥστε ἀπίτω. "σὺ δὲ δὴ τὸν χαλκέα Δημύλον ἄγε· "ὑπὲρ γὰρ τὸν ἄτρακτον βιοῖ. ’ κἀγὼ ἄσμενοσ ἀναδραμὼν αὐτὸσ μὲν ἤδη ἀπύρετοσ ἦν, ἀπήγγελλον δὲ ἅπασιν ὡσ τεθνήξεται Δημύλοσ· "ἐν γειτόνων δὲ ἡμῖν ᾤκει νοσῶν τι καὶ αὐτόσ, ὡσ ἀπηγγέλλετο. "καὶ μετὰ μικρὸν ἠκούομεν οἰμωγῆσ ὀδυρομένων ἐπ’ αὐτῷ. τί θαυμαστόν; "εἶπεν ὁ Ἀντίγονοσ· "ἐγὼ γὰρ οἶδά τινα μετὰ εἰκοστὴν ἡμέραν ἧσ ἐτάφη ἀναστάντα, θεραπεύσασ καὶ πρὸ τοῦ θανάτου καὶ ἐπεὶ ἀνέστη τὸν ἄνθρωπον. "καὶ πῶσ, ἦν δ’ ἐγώ, ἐν εἴκοσιν ἡμέραισ οὔτ’ ἐμύδησεν τὸ σῶμα οὔτε ἄλλωσ ὑπὸ λιμοῦ διεφθάρη; "εἰ μή τινα Ἐπιμενίδην σύ γε ἐθεράπευεσ. "ἅμα ταῦτα λεγόντων ἡμῶν ἐπεισῆλθον οἱ τοῦ Εὐκράτουσ υἱοὶ ἐκ τῆσ παλαίστρασ, ὁ μὲν ἤδη ἐξ ἐφήβων, ὁ δὲ ἕτεροσ ἀμφὶ τὰ πεντεκαίδεκα ἔτη, καὶ ἀσπασάμενοι ἡμᾶσ ἐκαθέζοντο ἐπὶ τῆσ κλίνησ παρὰ τῷ πατρί· "ἐμοὶ δὲ εἰσεκομίσθη θρόνοσ. "καὶ ὁ Εὐκράτησ ὥσπερ ἀναμνησθεὶσ πρὸσ τὴν ὄψιν τῶν υἱέων, οὕτωσ ὀναίμην, ἔφη, τούτων ‐ ἐπιβαλὼν αὐτοῖν τὴν χεῖρα ‐ ἀληθῆ, ὦ Τυχιάδη, πρόσ σε ἐρῶ. τὴν μακαρῖτίν μου γυναῖκα τὴν τούτων μητέρα πάντεσ ἴσασιν ὅπωσ ἠγάπησα, ἐδήλωσα δὲ οἷσ περὶ αὐτὴν ἔπραξα οὐ ζῶσαν μόνον, ἀλλὰ καὶ ἐπεὶ ἀπέθανεν, τόν τε κόσμον ἅπαντα συγκατακαύσασ καὶ τὴν ἐσθῆτα ᾗ ζῶσα ἔχαιρεν. "ἑβδόμῃ δὲ μετὰ τὴν τελευτὴν ἡμέρᾳ ἐγὼ μὲν ἐνταῦθα ἐπὶ τῆσ κλίνησ ὥσπερ νῦν ἐκείμην παραμυθούμενοσ τὸ πένθοσ· "ἀνεγίγνωσκον γὰρ τὸ περὶ ψυχῆσ τοῦ Πλάτωνοσ βιβλίον ἐφ’ ἡσυχίασ· "ἐπεισέρχεται δὲ μεταξὺ ἡ Δημαινέτη αὐτὴ ἐκείνη καὶ καθίζεται πλησίον ὥσπερ νῦν Εὐκρατίδησ οὑτοσί, δείξασ τὸν νεώτερον τῶν υἱέων ὁ δὲ αὐτίκα ἔφριξε μάλα παιδικῶσ, καὶ πάλαι ἤδη ὠχρὸσ ὢν ^ πρὸσ τὴν διήγησιν. "ἐγὼ δέ, ἦ δ’ ὃσ ὁ Εὐκράτησ, ὡσ εἶδον, περιπλακεὶσ αὐτῇ ἐδάκρυον ἀνακωκύσασ· "ἡ δὲ οὐκ εἰά βοᾶν, ἀλλ’ ᾐτιᾶτό με ὅτι τὰ ἄλλα πάντα ^ χαρισάμενοσ αὐτῇ θάτερον τοῖν σανδάλοιν χρυσοῖν ὄντοιν οὐ κατακαύσαιμι, εἶναι δὲ αὐτὸ ἔφασκεν ὑπὸ τῇ κιβωτῷ παραπεσόν. καὶ διὰ τοῦτο ἡμεῖσ οὐχ εὑρόντεσ θάτερον μόνον ἐκαύσαμεν. "ἔτι δὲ ἡμῶν διαλεγομένων κατάρατόν τι κυνίδιον ὑπὸ τῇ κλίνῃ ὂν Μελιταῖον ὑλάκτησεν, ἡ δὲ ἠφανίσθη πρὸσ τὴν ὑλακήν. τό μέντοι σανδάλιον εὑρέθη ὑπὸ τῇ κιβωτῷ καὶ κατεκαύθη ὕστερον. "ἔτι ἀπιστεῖν τούτοισ, ὦ Τυχιάδη, ἄξιον ἐναργέσιν οὖσιν καὶ κατὰ τὴν ἡμέραν ἑκάστην φαονομένοισ; "μὰ Δί’, ἦν δ’ ἐγώ· "ἐπεὶ σανδάλῳ γε χρυσῷ εἰσ τὰσ πυγὰσ ὥσπερ τὰ παιδία παίεσθαι ἄξιοι ἂν εἰε͂ν οἱ ἀπιστοῦντεσ καὶ οὕτωσ ἀναισχυντοῦντεσ πρὸσ τὴν ἀλήθειαν. "ἐπὶ τούτοισ ὁ Πυθαγορικὸσ Ἀρίγνωτοσ εἰσῆλθεν, ὁ κομήτησ, ὁ σεμνὸσ ἀπὸ τοῦ προσώπου, οἶσθα τὸν ἀοίδιμον ἐπὶ τῇ σοφίᾳ, τὸν ἱερὸν ἐπονομαζόμενον. "κἀγὼ μὲν ὡσ εἶδον αὐτὸν ἀνέπνευσα, τοῦτ’ ἐκεῖνο ἥκειν μοι νομίσασ πέλεκύν τινα κατὰ τῶν ψευσμάτων. "ἐπιστομιεῖ γὰρ αὐτούσ, ἔλεγον, ὁ σοφὸσ ἀνὴρ οὕτω τεράστια διεξιόντασ. "καὶ τὸ τοῦ λόγου, θεὸν ἀπὸ μηχανῆσ ἐπεισκυκληθῆναί μοι τοῦτον ᾤμην ὑπὸ τῆσ Τύχησ· "ὁ δὲ ἐπεὶ ἐκαθέζετο ὑπεκστάντοσ αὐτῷ τοῦ Κλεοδήμου, πρῶτα μὲν περὶ τῆσ νόσου ἤρετο, καὶ ὡσ ῥᾷον ἤδη ἔχειν ἤκουσεν παρὰ τοῦ Εὐκράτουσ, τί δέ, ἔφη, πρὸσ αὑτοὺσ ^ ἐφιλοσοφεῖτε; "μεταξὺ γὰρ εἰσιών ἐπήκουσα, καί μοι ἐδοκεῖτε ^ εἰσ καλόν διατεθήσεσθαι ^ τήν διατριβήν. τί δ’ ἄλλο, εἶπεν ὁ Εὐκράτησ, ἢ τουτονὶ τόν ἀδαμάντινον πείθομεν ‐ δείξασ ἐμὲ ‐ ἡγεῖσθαι δαίμονάσ τινασ εἶναι καὶ φάσματα καὶ νεκρῶν ψυχάσ περιπολεῖν ὑπέρ γῆσ καὶ φαίνεσθαι οἷσ ἄν ἐθέλωσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Philopsuedes sive incredulus, (no name) 22:

(루키아노스, Philopsuedes sive incredulus, (no name) 22:)

상위

목록

SEARCH

MENU NAVIGATION