Lucian, Philopsuedes sive incredulus, (no name) 17:

(루키아노스, Philopsuedes sive incredulus, (no name) 17:)

"εἶδόν τινα ἐπὶ δεξιὰ τοῦ κρουνοῦ ταινίασ καὶ στεφάνουσ ξηροὺσ ἔχοντα, κατακεχρυσωμένον πετάλοισ τὸ στῆθοσ. "ἐκεῖνα ἐχρύσωσα, ὁπότε μ’ ἰάσατο διὰ τρίτησ ὑπὸ τοῦ ἠπιάλου ἀπολλύμενον. "ὁ βέλτιστοσ ἡμῖν Πέλλιχοσ οὗτόσ ἐστιν; "ἤ σε οὐκ εἰσ μακρὰν μέτεισιν ὁ ἀνήρ οἶδα ἐγὼ ὅσον δύναται οὗτοσ ὁ ὑπὸ σοῦ γελώμενοσ ἀνδριάσ. ἢ οὐ νομίζεισ τοῦ αὐτοῦ εἶναι καὶ ἐπιπέμπειν ἠπιάλουσ οἷσ ἂν ἐθέλῃ, εἴ γε καὶ ἀποπέμπειν δυνατὸν αὐτῷ; "ἔστω ὁ ἀνδριὰσ καὶ ἤπιοσ οὕτωσ ἀνδρεῖοσ ὤν. τί δ’ οὖν καὶ ἄλλο ποιοῦντα ὁρᾶτε αὐτὸν ἅπαντεσ οἱ ἐν τῇ οἰκίᾳ; "νὺξ γένηται, ὁ δὲ καταβὰσ ἀπὸ τῆσ βάσεωσ ἐφ’ ᾗ ἕστηκε περίεισιν ἐν κύκλῳ τὴν οἰκίαν, καὶ πάντεσ ἐντυγχάνομεν αὐτῷ ἐνίοτε καὶ ᾄδοντι, καὶ οὐκ ἔστιν ὅντινα ἠδίκησεν ἐκτρέπτεσθαι γὰρ χρὴ μόνον ὁ δὲ παρέρχεται μηδὲν ἐνοχλήσασ τοὺσ ἰδόντασ. "καὶ μὴν καὶ λούεται τὰ πολλὰ καὶ παίζει δι’ ὅλησ τῆσ νυκτόσ, ὥστε ἀκούειν τοῦ ὕδατοσ ψοφοῦντοσ. "μὴ οὐχὶ Πέλλιχοσ ὁ ἀνδριάσ, ἀλλὰ Τάλωσ ὁ Κρὴσ ὁ τοῦ Μίνωοσ ᾖ· "καὶ γὰρ ἐκεῖνοσ χαλκοῦσ τισ ἦν τῆσ Κρήτησ περίπολοσ. "εἰ δὲ μὴ χαλκοῦ, ὦ Εὔκρατεσ, ἀλλὰ ξύλου πεποίητο, οὐδὲν αὐτὸν ἐκώλυεν οὐ Δημητρίου ἔργον εἶναι, ἀλλὰ τῶν Δαιδάλου τεχνημάτων δραπετεύει γοῦν, ὡσ φήσ, ἀπὸ τῆσ βάσεωσ καὶ οὗτοσ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION