Lucian, Philopsuedes sive incredulus, (no name) 6:

(루키아노스, Philopsuedes sive incredulus, (no name) 6:)

εἰώθειν ^ μὲν καὶ ἄλλοτε, ὦ Φιλόκλεισ, φοιτᾶν παρ’ αὐτόν, εἴ ποτε πολλὴν τὴν σχολὴν ἄγοιμι, τήμερον δὲ Λεοντίχῳ συγγενέσθαι δεόμενοσ ‐ ἑταῖροσ δέ μοι, ὡσ οἶσθα ‐ ἀκούσασ τοῦ παιδὸσ ὡσ παρὰ τὸν Εὐκράτην ἑώθεν ἁπέλθοι νοσοῦντα ἐπισκεψόμενοσ, ἀμφοῖν ἕνεκα, ὡσ καὶ τῷ Λεοντίχῳ συγγενοίμην κἀκεῖνον ἴδοιμι ‐ ἠγνοήκειν· γὰρ ὡσ νοσοίη ‐ παραγίγνομαι πρὸσ αὐτόν. εὑρίσκω δὲ αὐτόθι τὸν μὲν Λεόντιχον οὐκέτι ‐ ἐφθάκει γάρ, ὡσ ἔφασκον, ὀλίγον προεξεληλυθώσ ‐ ἄλλουσ δὲ συχνούσ, ἐν οἷσ Κλεόδημόσ τε ἦν ὁ ἐκ τοῦ Περιπάτου καὶ Δεινόμαχοσ ὁ Στωϊκὸσ καὶ Ιὤν, οἶσθα τὸν ἐπὶ τοῖσ Πλάτωνοσ λόγοισ θαυμάζεσθαι ἀξιοῦντα ὡσ μόνον ἀκριβῶσ κατανενοηκότα τὴν γνώμην τοῦ ἀνδρὸσ καὶ τοῖσ ἄλλοισ ὑποφητεῦσαι δυνάμενον. ὁρᾷσ οἱούσ ἄνδρασ σοί φημι, πανσόφουσ καὶ παναρέτουσ, ὅ τι περ τὸ κεφάλαιον αὐτὸ ἐξ ἑκάστησ προαιρέσεωσ, αἰδεσίμουσ ἅπαντασ καὶ μονονουχὶ φοβεροὺσ τὴν πρόσοψιν; ἔτι καὶ ὁ ἰατρὸσ Ἀντίγονοσ παρῆν, κατὰ χρείαν, οἶμαι, τῆσ νόσου ἐπικληθείσ. καὶ ῥᾷον ἐδόκει ἤδη ἔχειν ὁ Εὐκράτησ καὶ τὸ νόσημα τῶν συντρόφων ἦν τὸ ῥεῦμα γὰρ εἰσ τοὺσ πόδασ αὖθισ αὐτῷ κατεληλύθει. Καθέζεσθαι οὖν με παρ’ αὐτὸν ἐπὶ τῆσ κλίνησ ὁ Εὐκράτησ ἐκέλευεν, ἠρέμα ἐγκλίνασ τῇ φωνῇ εἰσ τὸ ἀσθενικὸν ὁπότε εἶδέ με, καίτοι βοῶντοσ αὐτοῦ καὶ διατεινομένου τι μεταξὺ εἰσιὼν ἐπήκουον. κἀγὼ μάλα πεφυλαγμένωσ, μὴ ψαύσαιμι τοῖν ποδοῖν αὐτοῦ, ἀπολογησάμενοσ τὰ συνήθη ταῦτα, ὡσ ἀγνοήσαιμι νοσοῦντα καὶ ὡσ ἐπεὶ ἔμαθον δρομαῖοσ ἔλθοιμι, ἐκαθεζόμην πλησίον.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION