Lucian, Patriae Encomium, (no name) 9:

ποθεινὴ μὲν οὖν καὶ νέοισ ἡ πατρίσ· τοῖσ δὲ ἤδη γεγηρακόσιν ὅσῳ πλεῖον τοῦ φρονεῖν ἢ τοῖσ νέοισ μέτεστι, τοσούτῳ καὶ πλείων ἐγγίνεται πόθοσ τῆσ πατρίδοσ· ἕκαστοσ γοῦν τῶν γεγηρακότων καὶ σπεύδει καὶ εὔχεται καταλῦσαι τὸν βίον ἐπὶ τῆσ πατρίδοσ, ἵν’, ὅθεν ἤρξατο βιοῦν, ἐνταῦθα πάλιν καὶ τὸ σῶμα παρακατάθηται τῇ γῇ τῇ θρεψαμένῃ καὶ τῶν πατρῴων κοινωνήσῃ τάφων δεινὸν γὰρ ἑκάστῳ δοκεῖ ξενίασ ἁλίσκεσθαι καὶ μετὰ θάνατον, ἐν ἀλλοτρίᾳ κειμένῳ γῇ.