Lucian, Muscae Encomium, (no name) 5:

(루키아노스, Muscae Encomium, (no name) 5:)

σύνεσιν δὲ οὐ μικρὰν αὐτῆσ εἰπεῖν ἔχω, ὁπόταν τὸν ἐπίβουλον καὶ πολέμιον αὐτῇ τὸν ἀράχνην διαδιδράσκῃ· λοχῶντά τε γὰρ ἐπιτηρεῖ καὶ ἀντίον αὐτῷ ὁρᾷ ἐκκλίνουσα τὴν ὁρμήν, ὡσ μὴ ἁλίσκοιτο σαγηνευθεῖσα καὶ περιπεσοῦσα ταῖσ τοῦ θηρίου πλεκτάναισ, τὴν μὲν γὰρ ἀνδρίαν καὶ τὴν ἀλκὴν αὐτῆσ οὐχ ἡμᾶσ χρὴ λέγειν, ἀλλ’ ὃσ μεγαλοφωνότατοσ τῶν ποιητῶν Ὅμηροσ· τὸν γὰρ ἄριστον τῶν ἡρώων ἐπαινέσαι ζητῶν οὐ λέοντι ἢ παρδάλει ἢ ὑῒ τὴν ἀλκὴν αὐτοῦ εἰκάζει, ἀλλὰ τῷ θάρσει τῆσ μυίασ καὶ τῷ ἀτρέστῳ καὶ λιπαρεῖ τῆσ ἐπιχειρήσεωσ· οὐδὲ γὰρ θράσοσ ἀλλὰ θάρσοσ φησὶν αὐτῇ προσεῖναι. καὶ γὰρ εἰργομένη, φησίν, ὅμωσ οὐκ ἀφίσταται, ἀλλ’ ἐφίεται τοῦ δήγματοσ. οὕτω δὲ πάνυ ἐπαινεῖ καὶ ἀσπάζεται τὴν μυῖαν, ὥστε οὐχ ἅπαξ οὐδ’ ἐν ὀλίγοισ μέμνηται αὐτῆσ, ἀλλὰ πολλάκισ· οὕτω κοσμεῖ τὰ ἔπη μνημονευομένη. ἄρτι μὲν τὴν ἀγελαίαν πτῆσιν αὐτῆσ ἐπὶ τὸ γάλα διέρχεται,^ ἄρτι δὲ τὴν Ἀθηνᾶν, ὁπότε τοῦ Μενέλεω τὸ βέλοσ ἀποκρούεται, ὡσ μὴ ἐπὶ τὰ καιριώτατα ἐμπέσοι, εἰκάζων μητρὶ κηδομένῃ κοιμωμένου αὐτῇ τοῦ βρέφουσ, τὴν μυῖαν αὖθισ ἐπεισάγει τῷ παραδείγματι. καὶ μὴν καὶ ἐπιθέτῳ καλλίστῳ αὐτὰσ ἐκόσμησεν ἀδινὰσ προσειπὼν καὶ τὴν ἀγέλην αὐτῶν ἔθνη καλῶν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION