Lucian, Lexiphanes, (no name) 22:

(루키아노스, Lexiphanes, (no name) 22:)

οὕτω ποιήσομεν, ὦ Σώπολι, ἐπειδήπερ ἡμῖν προωδοποίηται τὰ παρὰ σοῦ· καὶ πρὸσ σὲ τὸ λοιπόν, ὦ Λεξίφανεσ, ἡ συμβουλή. εἴπερ ἄρ’ ἐθέλεισ ὡσ ἀληθῶσ ἐπαινεῖσθαι ἐπὶ λόγοισ κἀν τοῖσ πλήθεσιν εὐδοκιμεῖν, τὰ μὲν τοιαῦτα πάντα φεῦγε καὶ ἀποτρέπου, ἀρξάμενοσ δὲ ἀπὸ τῶν ἀρίστων ποιητῶν καὶ ὑπὸ διδασκάλοισ αὐτοὺσ ἀναγνοὺσ μέτιθι ἐπὶ τοὺσ ῥήτορασ, καὶ τῇ ἐκείνων φωνῇ συντραφεὶσ ἐπὶ τὰ Θουκυδίδου καὶ Πλάτωνοσ ἐν καιρῷ μέτιθι, πολλὰ καὶ τῇ καλῇ κωμῳδίᾳ καὶ τῇ σεμνῇ τραγῳδίᾳ ἐγγεγυμνασμένοσ· παρὰ γὰρ τούτων ἅπαντα τὰ κάλλιστα ἀπανθισάμενοσ ἔσῃ τισ ἐν λόγοισ· ὡσ νῦν γε ἐλελήθεισ σαυτὸν τοῖσ ὑπὸ τῶν κοροπλάθων εἰσ τὴν ἀγορὰν πλαττομένοισ ἐοικώσ, κεχρωσμένοσ μὲν τῇ μίλτῳ καὶ τῷ κυανῷ, τὸ δ’ ἔνδοθεν πήλινόσ τε καὶ εὔθρυπτοσ ὤν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION