Lucian, Lexiphanes, (no name) 20:

(루키아노스, Lexiphanes, (no name) 20:)

τί δὲ νοσεῖ, ὦ Λυκῖνε, Λεξιφάνησ ; αὐτὰ ταῦτα, ὦ Σώπολι. οὐκ ἀκούεισ οἱᾶ φθέγγεται ; καὶ ἡμᾶσ τοὺσ νῦν προσομιλοῦντασ καταλιπὼν πρὸ χιλίων ἐτῶν ἡμῖν διαλέγεται διαστρέφων τὴν γλῶτταν καὶ ταυτὶ τὰ ἀλλόκοτα συντιθεὶσ καὶ σπουδὴν ποιούμενοσ ἐπ’ αὐτοῖσ, ὡσ δή τι μέγα ὄν, εἴ τι ξενίζοι καὶ τὸ καθεστηκὸσ νόμισμα τῆσ φωνῆσ παρακόπτοι. μὰ Δί’ οὐ μικράν τινα λέγεισ τὴν νόσον, ὦ Λυκῖνε. βοηθητέα γοῦν τῷ ἀνδρὶ πάσῃ μηχανῇ καὶ ‐ κατὰ θεὸν γὰρ τῶν χολώντων ^ τινι φάρμακον τουτὶ κερασάμενοσ ἀπῄειν, ὡσ πιὼν ἐμέσειε ‐ φέρε πρῶτοσ αὐτὸσ πῖθι, ὦ Λεξίφανεσ, ὡσ ὑγιὴσ ἡμῖν καὶ καθαρὸσ γένοιο, τῆσ τοιαύτησ τῶν λόγων ἀτοπίασ κενωθείσ. ἀλλὰ πείσθητί μοι καὶ πῖθι καὶ ῥᾴων ἔσῃ. οὐκ οἶδ’ ὃ καὶ δράσετέ με, ὦ Σώπολι, σύ τε καὶ Λυκῖνοσ, πιπίσκοντεσ τουτουὶ τοῦ φαρμάκου. δέδοικα γοῦν μὴ πῶμα ^ γένοιτό μοι τοῦτο τῶν λόγων τὸ πόμα. πῖθι καὶ μὴ μέλλε, ὡσ ἀνθρώπινα ἤδη φρονοίησ καὶ λέγοισ. ἰδοὺ πείθομαι καὶ πίομαι. φεῦ, τί τοῦτο ; πολὺσ ὁ βορβορυγμόσ. ἐγγαστρίμυθόν τινα ἐοίκα πεπωκέναι .

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION