Lucian, Lexiphanes, (no name) 18:

ἀλλ’ εἰσ καλὸν γὰρ τουτονὶ Σώπολιν ὁρῶ τὸν ἰατρὸν προσιόντα, φέρε τούτῳ ἐγχειρίσαντέσ σε καὶ διαλεχθέντεσ ὑπὲρ τῆσ νόσου ἰάσίν τινά σοι εὑρώμεθα· συνετὸσ γὰρ ἁνὴρ ^ καὶ πολλοὺσ ἤδη παραλαβὼν ὥσπερ σὲ ἡμιμανεῖσ καὶ κορυζῶντασ ἀπήλλαξεν ἐγχέασ φάρμακον. χαῖρε, Σώπολι, καὶ τουτονὶ Λεξιφάνην παραλαβὼν ἑταῖρον, ὡσ οἶσθα, ἡμῖν ὄντα, λήρῳ δὲ νῦν καὶ ξένῃ περὶ τὴν φωνὴν νόσῳ ξυνόντα καὶ κινδυνεύοντα ἤδη τελέωσ ἀπολωλέναι σῶσον ἑνὶ γέ τῳ τρόπῳ.