Lucian, Lexiphanes, (no name) 5:

(루키아노스, Lexiphanes, (no name) 5:)

τοιαῦτα ἄττα διεξιόντεσ ἅπαντεσ οἱ παρόντεσ ἀπῄειμεν κἀπειδήπερ ἥκομεν εἰσ τὸ γυμνάσιον ἀπησθημένοι ἤδη, ὁ μέν τισ ἀκροχειριασμῷ, ὁ δὲ τραχηλισμῷ καὶ ὀρθοπάλῃ ἐχρῆτο, ὁ δὲ λίπα χρισάμενοσ ἐλυγίζετο, ὁ δὲ ἀντέβαλλε τῷ κωρύκῳ, ὁ δὲ μολυβδαίνασ χερμαδίουσ δράγδην ^ ἔχων ἐχειροβόλει. εἶτα συντριβέντεσ καὶ ἀλλήλουσ κατανωτισάμενοι καὶ ἐμπαίξαντεσ τῷ γυμνασίῳ ἐγὼ μὲν καὶ Φιλῖνοσ ἐν τῇ θερμῇ πυέλῳ καταιονηθέντεσ ἐξῄειμεν· οἱ λοιποὶ δὲ τὸ ψυχροβαφὲσ κάρα δελφινίσαντεσ παρένεον ὑποβρύχιοι θαυμασίωσ. ἀναστρέψαντεσ δ’ αὖθισ ἄλλοσ ἄλλοσε ἄλλα ἐδρῶμεν. ἐγὼ μὲν ὑποδησάμενοσ ἐξυόμην τὴν κεφαλὴν τῇ ὀδοντωτῇ ξύστρᾳ· καὶ γὰρ οὐ κηπίον, ἀλλὰ σκάφιον ἐκεκάρμην, ὡσ ἂν οὐ πρὸ πολλοῦ τὸν κόννον καὶ τὴν κορυφαίαν ἀποκεκομηκώσ· ἄλλοσ ἐθερμοτράγει, ὁ δ’ ἤμει τὸν νῆστιν, ὁ δὲ ἀραιὰσ ποιῶν τὰσ ῥαφανῖδασ ἐμυστιλᾶτο τοῦ ἰχθυηροῦ ζωμοῦ, ἄλλοσ ἤσθιεν φαυλίασ, ὁ δὲ ἐρρόφει τῶν κριθῶν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION