Lucian, Imagines, (no name) 15:

(루키아노스, Imagines, (no name) 15:)

τὸ μὲν γὰρ ἀκριβὲσ τοῦτο τῆσ φωνῆσ καὶ καθαρῶσ Ιὠνικὸν καὶ ὅτι ὁμιλῆσαι στωμύλη καὶ πολὺ τῶν Ἀττικῶν χαρίτων ἔχουσα οὐδὲ θαυμάζειν ἄξιον πάτριον γὰρ αὐτῇ καὶ προγονικόν, οὐδὲ ἄλλωσ ἐχρῆν μετέχουσαν τῶν Ἀθηναίων κατὰ τὴν ἀποικίαν. οὐδὲ γὰρ οὐδὲ ἐκεῖνο θαυμάσαιμ’ ἄν, εἰ καὶ ποιήσει χαίρει καὶ τὰ πολλὰ ταύτῃ ὁμιλεῖ, τοῦ Ὁμήρου πολῖτισ οὖσα. μία μὲν δή σοι, ὦ Λυκῖνε, καλλιφωνίασ αὕτη καὶ ᾠδῆσ εἰκών, ὡσ ἄν τισ ἐπὶ τὸ ἔλαττον εἰκάσειεν. σκόπει δὲ δὴ καὶ τὰσ ἄλλασ· οὐ γὰρ μίαν ὥσπερ σὺ ἐκ πολλῶν συνθεὶσ ἐπιδεῖξαι διέγνωκα ‐ ἧττον γὰρ τοῦτο καὶ γραφικόν, συντελεσθὲν· κάλλη τοσαῦτα καὶ πολυειδέσ τι ἐκ πολλῶν ἀποτελεῖν αὐτὸ αὑτῷ ἀνθαμιλλώμενον ‐ ἀλλ’ αἱ πᾶσαι τῆσ ψυχῆσ ἀρεταὶ καθ’ ἑκάστην εἰκὼν μία γεγράψεται πρὸσ τὸ ἀρχέτυπον μεμιμημένη. ἑορτήν, ὦ Πολύστρατε, καὶ πανδαισίαν ἐπαγγέλλεισ. ἐοίκασ γοῦν λώϊον ὡσ ἀληθῶσ ἀποδώσειν μοι τὸ μέτρον. ἐπιμέτρει δ’ οὖν ὡσ οὐκ ἔστιν ὃ τι ἂν ἄλλο ποιήσασ μᾶλλον χαρίσαιό μοι.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION