Lucian, Imagines, (no name) 11:

(루키아노스, Imagines, (no name) 11:)

ἀλλ’, ὦ ἄριστε, σὺ μὲν ὥσπερ τινὰ ἀστραπὴν παραδραμοῦσαν ἅπαξ εἶδεσ αὐτήν, καὶ ἐοίκασ τὰ πρόχειρα ταῦτα, λέγω δὲ τὸ σῶμα καὶ τὴν μορφήν, ἐπαινεῖν τῶν δὲ τῆσ ψυχῆσ ἀγαθῶν ἀθέατοσ εἶ, οὐδὲ οἶσθα ὅσον τὸ κάλλοσ ἐκεῖνό ἐστιν αὐτῆσ, μακρῷ τινι ἄμεινον καὶ θεοειδέστερον τοῦ σώματοσ. ἐγὼ δὲ συνήθησ γάρ εἰμι καὶ λόγων ἐκοινώνησα πολλάκισ ὁμοεθνὴσ ὤν. καὶ γάρ, ὡσ οἶσθα καὶ αὐτόσ, τὸ ἥμερον καὶ φιλάνθρωπον καὶ τὸ μεγαλόφρον καὶ σωφροσύνην καὶ παιδείαν πρὸ τοῦ κάλλουσ ἐπαινῶ· ἄξια γὰρ προκεκρίσθαι ταῦτα τοῦ σώματοσ· ἐπεὶ ἄλογον ἂν εἰή καὶ γελοῖον, ὥσπερ εἴ τισ τὴν ἐσθῆτα πρὸ τοῦ σώματοσ θαυμάζοι. τὸ δ’ ἐντελὲσ κάλλοσ, οἶμαι, τοῦτό ἐστιν, ὁπόταν εἰσ τὸ αὐτὸ συνδράμῃ ψυχῆσ ἀρετὴ καὶ εὐμορφία σώματοσ. ἀμέλει πολλὰσ ἄν σοι δείξαιμι μορφῆσ μὲν εὖ ἡκούσασ, τὰ δ’ ἄλλα αἰσχυνούσασ τὸ κάλλοσ, ὡσ καὶ μόνον φθεγξαμένων ἀπανθεῖν αὐτὸ καὶ ἀπομαραίνεσθαι ἐλεγχόμενόν τε καὶ ἀσχημονοῦν καὶ παρ’ ἀξίαν συνὸν πονηρᾷ τινι δεσποίνῃ τῇ ψυχῇ. καὶ· αἵ γε τοιαῦται ὅμοιαί μοι δοκοῦσιν τοῖσ Αἰγυπτίοισ ἱεροῖσ· κἀκεῖ γὰρ αὐτὸσ μὲν ὁ νεὼσ κάλλιστόσ τε καὶ μέγιστοσ, λίθοισ τοῖσ πολυτελέσιν ἠσκημένοσ καὶ χρυσῷ καὶ γραφαῖσ διηνθισμένοσ, ἔνδον δὲ ἢν ζητῇσ τὸν θεόν, ἢ πίθηκόσ ἐστιν ἢ ἶβισ ἢ τράγοσ ἢ αἴλουροσ. τοιαύτασ πολλὰσ ἰδεῖν ἔνεστιν. Οὐ τοίνυν ἀπόχρη τὸ κάλλοσ, εἰ μὴ κεκόσμηται τοῖσ δικαίοισ κοσμήμασι, λέγω δὴ οὐκ ἐσθῆτι ἁλουργεῖ καὶ ὁρ́μοισ, ἀλλ’ οἷσ προεῖπον ἐκείνοισ, ἀρετῇ καὶ σωφροσύνῃ καὶ ἐπιεικείᾳ καὶ φιλανθρωπίᾳ καὶ τοῖσ ἄλλοισ ὁπόσα ταύτησ ὁρ́οσ ἐστίν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION