Lucian, Imagines, (no name) 8:

μᾶλλον δὲ τὸν ἄριστον τῶν γραφέων Ὅμηρον παρόντοσ Εὐφράνοροσ καὶ Ἀπελλοῦ δεδέγμεθα· οἱο͂ν γάρ τι τοῖσ Μενελάου μηροῖσ τὸ χρῶμα ἐκεῖνοσ ἐπέβαλεν ἐλέφαντι εἰκάσασ ἠρέμα πεφοινιγμένῳ, τοιόνδε ἔστω τὸ πᾶν ὁ δ’ αὐτὸσ οὗτοσ καὶ τοὺσ ὀφθαλμοὺσ γραψάτω βοῶπίν τινα ποιήσασ αὐτήν. συνεπιλήψεται δὲ τοῦ ἔργου αὐτῷ καὶ ὁ Θηβαῖοσ ποιητήσ, ὡσ ἰοβλέφαρον ἐξεργάσασθαι· καὶ φιλομειδῆ δὲ Ὅμηροσ ποιήσει καὶ λευκώλενον καὶ ῥοδοδάκτυλον, καὶ ὅλωσ τῇ χρυσῇ Ἀφροδίτῃ εἰκάσει πολὺ δικαιότερον ἢ τὴν τοῦ Βρισέωσ.