헬라어 문장 검색 - Λυξιαν́Ιμαγινέ1́0́06́

(루키아노스, Imagines, (no name) 6:)

καὶ μὴν ἤδη σοι ὁρᾶν παρέχει γιγνομένην τὴν εἰκόνα, ὧδε συναρμόζων, τῆσ ἐκ Κνίδου ἡκούσησ μόνον τὴν κεφαλὴν λαβών οὐδὲν γὰρ τοῦ ἄλλου σώματοσ γυμνοῦ ὄντοσ δεήσεται· καὶ μάλιστα, ἐπειδὰν εἰσ τὸ ἀκριβέστατον ἀποτελεσθῇ· τὰ μὲν ἀμφὶ τὴν κόμην καὶ μέτωπον ὀφρύων τε τὸ εὔγραμμον ἐάσει ἔχειν ὥσπερ ὁ Πραξιτέλησ ἐποίησεν, καὶ τῶν ὀφθαλμῶν δὲ τὸ ὑγρὸν ἅμα τῷ φαιδρῷ καὶ κεχαρισμένῳ, καὶ τοῦτο διαφυλάξει κατὰ τὸ Πραξιτέλει δοκοῦν τὰ μῆλα δὲ καὶ ὅσα τῆσ ὄψεωσ ἀντωπὰ παρ’ Ἀλκαμένουσ καὶ τῆσ ἐν κήποισ λήψεται, καὶ προσέτι χειρῶν ἄκρα καὶ καρπῶν τὸ εὔρυθμον καὶ δακτύλων τὸ εὐάγωγον εἰσ λεπτὸν ἀπολῆγον παρὰ τῆσ ἐν κήποισ καὶ ταῦτα. τὴν δὲ τοῦ παντὸσ προσώπου περιγραφὴν καὶ παρειῶν τὸ ἁπαλὸν καὶ ῥῖνα σύμμετρον ἡ Λημνία παρέξει καὶ Φειδίασ· ἔτι καὶ στόματοσ ἁρμογὴν αὐτὸσ καὶ τὸν αὐχένα, παρὰ τῆσ Ἀμαζόνοσ λαβών ἡ Σωσάνδρα δὲ καὶ Κάλαμισ αἰδοῖ κοσμήσουσιν αὐτήν, καὶ τὸ μειδίαμα σεμνὸν καὶ λεληθὸσ ὥσπερ τὸ ἐκείνησ ἔσται· καὶ τὸ εὐσταλὲσ δὲ καὶ κόσμιον τῆσ ἀναβολῆσ παρὰ τῆσ Σωσάνδρασ, πλὴν ὅτι ἀκατακάλυπτοσ αὕτη ἔσται τὴν κεφαλήν. τῆσ ἡλικίασ δὲ τὸ μέτρον ἡλίκον ἂν γένοιτο, κατὰ τὴν ἐν, Κνίδῳ ἐκείνην μάλιστα. καὶ γὰρ καὶ τοῦτο κατὰ τὸν Πραξιτέλη μεμετρήσθω. τί σοι, ὦ Πολύστρατε, δοκεῖ ; καλὴ γενήσεσθαι ἡ εἰκών ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Imagines, (no name) 6:

(루키아노스, Imagines, (no name) 6:)

상위

목록

SEARCH

MENU NAVIGATION