Lucian, Imagines, (no name) 4:

(루키아노스, Imagines, (no name) 4:)

ἐπεδήμησάσ ποτε, ὦ Πολύστρατε, τῇ Κνιδίων ; καὶ μάλα. οὐκοῦν καὶ τὴν Ἀφροδίτην εἶδεσ πάντωσ αὐτῶν ; νὴ Δία, τῶν Πραξιτέλουσ ποιημάτων τὸ κάλλιστον. ἀλλὰ καὶ τὸν μῦθον ἤκουσασ, ὃν λέγουσιν οἱ ἐπιχώριοι περὶ αὐτῆσ, ὡσ ἐρασθείη τισ τοῦ ἀγάλματοσ καὶ λαθὼν ὑπολειφθεὶσ ἐν ἱερῷ συγγένοιτο, ὡσ δυνατὸν ἀγάλματι. τοῦτο μέντοι· ἄλλωσ ἱστορείσθω. σὺ δὲ ‐ ταύτην γάρ, ὡσ φήσ, εἶδεσ ‐ ἴθι μοὶ καὶ τόδε ἀπόκριναι, εἰ καὶ τὴν ἐν κήποισ Ἀθὴνησι τὴν Ἀλκαμένουσ ἑώρακασ. ἦ πάντων γ’ ἄν, ὦ Λυκῖνε, ὁ ῥᾳθυμότατοσ ἦν, εἰ τὸ κάλλιστον τῶν Ἀλκαμένουσ πλασμάτων παρεῖδον. ἐκεῖνο μέν γε, ὦ Πολύστρατε, οὐκ ἐξερήσομαί σε, εἰ πολλάκισ εἰσ τὴν ἀκρόπολιν ἀνελθὼν καὶ τὴν Καλάμιδοσ Σωσάνδραν τεθέασαι. εἶδον κἀκείνην πολλάκισ. ἀλλὰ καὶ ταῦτα μὲν ἱκανῶσ. τῶν δὲ Φειδίου ἔργων τί μάλιστα ἐπῄνεσασ ; τί δ’ ἄλλο ἢ τὴν Λημνίαν, ᾗ καὶ ἐπιγράψαι τοὔνομα ὁ Φειδίασ ἠξίωσε; καὶ νὴ Δία τὴν Ἀμαζόνα τὴν ἐπερειδομένην τῷ δορατίῳ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION