Lucian, De sacrificiis, (no name) 12:

θέμενοι δὲ βωμοὺσ καὶ προρρήσεισ καὶ περιρραντήρια προσάγουσι τὰσ θυσίασ, βοῦν μὲν ἀροτῆρα ὁ γεωργόσ, ἄρνα δὲ ὁ ποιμὴν καὶ αἶγα ὁ αἰπόλοσ, ὁ δέ τισ λιβανωτὸν ἢ πόπανον, ὁ δὲ πένησ ἱλάσατο τὸν θεὸν κύσασ μόνον τὴν ἑαυτοῦ δεξιάν. ^ ἀλλ’ οἵ γε θύοντεσ ‐ ἐπ’ ἐκείνουσ γὰρ ἐπάνειμι ‐ στεφανώσαντεσ τὸ ζῷον καὶ πολύ γε πρότερον ἐξετάσαντεσ εἰ ἐντελὲσ εἰή, ἵνα μηδὲ τῶν ἀχρήστων τι κατασφάττωσιν, προσάγουσι τῷ βωμῷ καὶ φονεύουσιν ἐν ὀφθαλμοῖσ τοῦ θεοῦ γοερόν τι μυκώμενον καὶ ὡσ τὸ εἰκὸσ εὐφημοῦν καὶ ἡμίφωνον ἤδη τῇ θυσίᾳ ἐπαυλοῦν. τίσ οὐκ ἂν εἰκάσειεν ἥδεσθαι ταῦτα ὁρῶντασ τοὺσ θεούσ;