Lucian, De sacrificiis, (no name) 5:

(루키아노스, De sacrificiis, (no name) 5:)

ἢ γὰρ οὐ ταῦτα σεμνολογοῦσιν οἱ ποιηταὶ περὶ τῶν θεῶν καὶ πολὺ τούτων ἱερώτερα περί τε Ἡφαίστου καὶ Προμηθέωσ καὶ Κρόνου καὶ Ῥέασ καὶ σχεδὸν ὅλησ τῆσ τοῦ Διὸσ οἰκίασ; καὶ ταῦτα παρακαλέσαντεσ τὰσ Μούσασ συνῳδοὺσ ἐν ἀρχῇ τῶν ἐπῶν, ὑφ’ ὧν δὴ ἔνθεοι γενόμενοι, ὡσ τὸ εἰκόσ, ᾅδουσιν ὡσ ὁ μὲν Κρόνοσ ἐπειδὴ τάχιστα ἐξέτεμε τὸν πατέρα τὸν Οὐρανόν, ἐβασίλευσέν τε ἐν αὐτῷ καὶ τὰ τέκνα κατήσθιεν ὥσπερ ὁ Ἀργεῖοσ Θυέστησ ὕστερον· ὁ δὲ Ζεὺσ ^ κλαπεὶσ ὑπὸ τῆσ Ῥέασ ὑποβαλομένησ τὸν λίθον εἰσ τὴν Κρήτην ἐκτεθεὶσ ὑπ’ αἰγὸσ ἀνετράφη καθάπερ ὁ Τήλεφοσ ὑπὸ ἐλάφου καὶ ὁ Πέρσησ Κῦροσ ὁ πρότεροσ ὑπὸ τῆσ κυνόσ, εἶτ’ ἐξελάσασ τὸν πατέρα καὶ εἰσ τὸ δεσμωτήριον καταβαλὼν αὐτὸσ ἔσχε τὴν ἀρχὴν ἔγημε δὲ πολλὰσ μὲν καὶ ἄλλασ, ὑστάτην δὲ τὴν ἀδελφὴν κατὰ τοὺσ Περσῶν καὶ Ἀσσυρίων νόμουσ· ἐρωτικὸσ δὲ ὢν καὶ εἰσ τὰ ἀφροδίσια ἐκκεχυμένοσ ^ ῥᾳδίωσ ἐνέπλησε παίδων τὸν οὐρανόν, . τοὺσ μὲν ἐξ ὁμοτίμων ποιησάμενοσ, ἐνίουσ δὲ νόθουσ ἐκ τοῦ θνητοῦ καὶ ἐπιγείου γένουσ, ἄρτι μὲν ὁ γεννάδασ γενόμενοσ χρυσόσ, ἄρτι δὲ ταῦροσ ἢ κύκνοσ ἢ ἀετόσ, καὶ ὅλωσ ποικιλώτεροσ αὐτοῦ Πρωτέωσ· μόνην δὲ τὴν Ἀθηνᾶν ἔφυσεν ἐκ τῆσ ἑαυτοῦ κεφαλῆσ ὑπ’ αὐτὸν ἀτεχνῶσ τὸν ἐγκέφαλον συλλαβών τὸν μὲν γὰρ Διόνυσον ἡμιτελῆ, φασίν, ἐκ τῆσ μητρὸσ ἔτι καιομένησ ἁρπάσασ ἐν τῷ μηρῷ φέρων κατώρυξε κᾆτα ἐξέτεμεν τῆσ ὠδῖνοσ ἐνστάσησ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION