Lucian, De sacrificiis, (no name) 2:

(루키아노스, De sacrificiis, (no name) 2:)

τοὺσ δ’ αὖ Αἰθίοπασ καὶ μακαρίουσ καὶ τρισευδαίμονασ εἴποι τισ ἄν, εἴ γε ἀπομνημονεύει τὴν χάριν αὐτοῖσ ὁ Ζεὺσ ἣν πρὸσ αὐτὸν ἐπεδείξαντο δώδεκα ἑξῆσ ἡμέρασ ἑστιάσαντεσ, καὶ ταῦτα ἐπαγόμενον καὶ τοὺσ ἄλλουσ θεούσ. οὕτωσ οὐδέν, ὡσ ἐοίκεν, ἀμισθὶ ποιοῦσιν ὧν ποιοῦσιν, ἀλλὰ πωλοῦσιν τοῖσ ἀνθρώποισ τἀγαθά, καὶ ἔνεστι πρίασθαι παρ’ αὐτῶν τὸ μὲν ὑγιαίνειν, εἰ τύχοι, βοϊδίου, τὸ δὲ πλουτεῖν βοῶν τεττάρων, τὸ δὲ βασιλεύειν ἑκατόμβησ, τὸ δὲ σῶον ἐπανελθεῖν ἐξ Ἰλίου εἰσ Πύλον ταύρων ἐννέα, καὶ τὸ ἐκ τῆσ Αὐλίδοσ εἰσ Ἴλιον διαπλεῦσαι παρθένου βασιλικῆσ. ἡ μὲν γὰρ Ἑκάβη τὸ μὴ ἁλῶναι τὴν πόλιν τότε ἐπρίατο παρὰ τῆσ Ἀθηνᾶσ βοῶν δώδεκα καὶ πέπλου. εἰκάζειν δὲ χρὴ πολλὰ εἶναι ἀλεκτρυόνοσ καὶ στεφάνου καὶ λιβανωτοῦ μόνου παρ’ αὐτοῖσ ὤνια.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION