Lucian, De morte Peregrini, (no name) 25:

ταῦτα μὲν ὁ Ἀλέξανδρος.? ἐγὼ δὲ οὐδ αὐτὸς πρὸ πολλῶν ἡμερῶν εἶδον αὐτὸν ἐγκεχρισμένον, ὡς ἀποδακρύσειε τῷ δριμεῖ φαρμάκῳ. ὁρᾷς· οὐ πάνυ τοὺς ἀμβλυωποῦντας ὁ Αἰακὸς παραδέχεται. ὅμοιον ὡς εἴ τις ἐπὶ σταυρὸν ἀναβήσεσθαι μέλλων τὸ ἐν τῷ δακτύλῳ πρόσπταισμα θεραπεύοι. τί σοι δοκεῖ ὁ Δημόκριτος, εἰ ταῦτα εἶδε· κατ ἀξίαν γελάσαι ἂν ἐπὶ τῷ ἀνδρί· καίτοι πόθεν εἶχεν ἐκεῖνος τοσοῦτον γέλωτα· σὺ δ οὖν, ὦ φιλότης, γέλα καὶ αὐτός, καὶ μάλιστα ὁπόταν τῶν ἄλλων ἀκούῃς θαυμαζόντων αὐτόν.?