Lucian, De morte Peregrini, (no name) 5:

"κενόδοξον τολμᾷ λέγειν, ὦ γῆ καὶ ἥλιε καὶ ποταμοὶ καὶ θάλαττα καὶ πατρῷε Ἡράκλεισ ‐ Πρωτέα τὸν ἐν Συρίᾳ δεθέντα, τὸν τῇ πατρίδι ἀνέντα πεντακισχίλια τάλαντα, τὸν ἀπὸ τῆσ Ῥωμαίων πόλεωσ ἐκβληθέντα, τὸν τοῦ Ἡλίου ἐπισημότερον, τὸν αὐτῷ ἀνταγωνίσασθαι τῷ Ὀλυμπίῳ δυνάμενον; "ἀλλ’ ὅτι διὰ πυρὸσ ἐξάγειν τοῦ βίου διέγνωκεν ἑαυτόν, εἰσ κενοδοξίαν τινὲσ τοῦτο ἀναφέρουσιν; "οὐ γὰρ Ἡρακλῆσ οὕτωσ; "οὐ γὰρ Ἀσκληπιὸσ καὶ Διόνυσοσ κεραυνῷ; "οὐ γὰρ τὰ τελευταῖα Ἐμπεδοκλῆσ εἰσ τοὺσ κρατῆρασ;