Lucian, De mercede, (no name) 42:

(루키아노스, De mercede, (no name) 42:)

βούλομαι δ’ ὅμωσ ἔγωγε ὥσπερ ὁ Κέβησ ἐκεῖνοσ εἰκόνα τινὰ τοῦ τοιούτου βίου σοι γράψαι, ὅπωσ εἰσ ταύτην ἀποβλέπων εἰδῇσ εἴ σοι παριτητέον ἐστὶν εἰσ αὐτήν. ἡδέωσ μὲν οὖν Ἀπελλοῦ τινοσ ἢ Παρρασίου ἢ Αἐτίωνοσ ἢ καὶ Εὐφράνοροσ ἂν ἐδεήθην ἐπὶ τὴν γραφήν ἐπεὶ δὲ ἄπορον νῦν εὑρεῖν τινα οὕτωσ γενναῖον καὶ ἀκριβῆ τὴν τέχνην, ψιλὴν ὡσ οἱο͂̀ν τέ σοι ἐπιδείξω τὴν εἰκόνα. καὶ δὴ γεγράφθω προπύλαια μὲν ὑψηλὰ καὶ ἐπίχρυσα καὶ μὴ κάτω ἐπὶ τοῦ ἐδάφουσ, ἀλλ’ ἄνω τῆσ γῆσ ἐπὶ λόφου κείμενα, καὶ ἡ ἄνοδοσ ἐπὶ πολὺ καὶ ἀνάντησ καὶ ὄλισθον ἔχουσα, ὡσ πολλάκισ ἤδη πρὸσ τῷ ἄκρῳ ἔσεσθαι ἐλπίσαντασ ἐκτραχηλισθῆναι διαμαρτόντοσ τοῦ ποδόσ. ἔνδον δὲ ὁ Πλοῦτοσ αὐτὸσ καθήσθω χρυσοῦσ ὅλοσ, ὡσ δοκεῖ, πάνυ εὔμορφοσ καὶ ἐπέραστοσ. ὁ δὲ ἐραστὴσ μόλισ ἀνελθὼν καὶ πλησιάσασ τῇ θύρᾳ τεθηπέτω ἀφορῶν εἰσ τὸ χρυσίον. παραλαβοῦσα δ’ αὐτὸν ἡ Ἐλπίσ, εὐπρόσωποσ καὶ αὕτη καὶ ποικίλα ἀμπεχομένη, εἰσαγέτω σφόδρα ἐκπεπληγμένον τῇ εἰσόδῳ. τοὐντεῦθεν δὲ ἡ μὲν Ἐλπὶσ ἀεὶ προηγείσθω, διαδεξάμεναι δ’ αὐτὸν ἄλλαι γυναῖκεσ, Ἀπάτη καὶ Δουλεία, παραδότωσαν τῷ Πόνῳ, ὁ δὲ πολλὰ τὸν ἄθλιον καταγυμνάσασ τελευτῶν ἐγχειρισάτω αὐτὸν τῷ Γήρᾳ ἤδη ὑπονοσοῦντα καὶ τετραμμένον τὴν χρόαν. ὑστάτη δὲ ἡ Ὕβρισ ἐπιλαβομένη συρέτω πρὸσ τὴν Ἀπόγνωσιν. ἡ δὲ Ἐλπὶσ τὸ ἀπὸ τούτου ἀφανὴσ ἀποπτέσθω, καὶ μηκέτι καθ’ οὓσ εἰσῆλθε τοὺσ χρυσοῦσ θυρῶνασ, ἔκ τινοσ δὲ ἀποστρόφου καὶ λεληθυίασ ἐξόδου ἐξωθείσθω γυμνὸσ προγάστωρ ὠχρὸσ γέρων, τῇ ἑτέρᾳ μὲν τὴν αἰδῶ σκέπων, τῇ δεξιᾷ δὲ αὐτὸσ ἑαυτὸν ἄγχων. ἀπαντάτω δ’ ἐξιόντι ἡ Μετάνοια δακρύουσα εἰσ οὐδὲν ὄφελοσ καὶ τὸν ἄθλιον ἐπαπολλύουσα. τοῦτο μὲν ἔστω τὸ τέλοσ τῆσ γραφῆσ. σὺ δ’ οὖν, ὦ ἄριστε Τιμόκλεισ, αὐτὸσ ἤδη ἀκριβῶσ ἐπισκοπῶν ἕκαστα ἐννόησον, εἴ σοι καλῶσ ἔχει παρελθόντα εἰσ τὴν εἰκόνα κατὰ ταύτασ τὰσ θύρασ ἐκείνησ τῆσ ἔμπαλιν αἰσχρῶσ οὕτωσ ἐκπεσεῖν. ὅ τι δ’ ἂν πράττῃσ, μέμνησο τοῦ σοφοῦ λέγοντοσ ὡσ θεὸσ ἀναίτιοσ, αἰτία δὲ ἑλομένου.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION