Lucian, De mercede, (no name) 41:

(루키아노스, De mercede, (no name) 41:)

ἀποσεισάμενοι δὲ αὐτοὺσ μισοῦσι, καὶ μάλα εἰκότωσ, καὶ ἐξ ἅπαντοσ ζητοῦσιν ὅπωσ ἄρδην ἀπολέσωσιν, ἢν δύνωνται· λογίζονται γὰρ ὡσ ἐξαγορεύσουσιν αὐτῶν τὰ πολλὰ ἐκεῖνα τῆσ φύσεωσ ἀπόρρητα ὡσ ἅπαντα εἰδότεσ ἀκριβῶσ καὶ γυμνοὺσ αὐτοὺσ ἐπωπτευκότεσ. τοῦτο τοίνυν ἀποπνίγει αὐτούσ· ἅπαντεσ γὰρ ἀκριβῶσ ὅμοιοὶ εἰσιν τοῖσ καλλίστοισ τούτοισ βιβλίοισ, ὧν χρυσοῖ μὲν οἱ ὀμφαλοί, πορφυρᾶ δὲ ἔκτοσθεν ἡ διφθέρα, τὰ δὲ ἔνδον ἢ Θυέστησ ἐστὶν τῶν τέκνων ἑστιώμενοσ ἢ Οἰδίπουσ τῇ μητρὶ συνὼν ἢ Τηρεὺσ δύο ἀδελφὰσ ἅμα ὀπυίων. τοιοῦτοι καὶ αὐτοί εἰσι, λαμπροὶ καὶ περίβλεπτοι, ἔνδον δὲ ὑπὸ τῇ πορφύρᾳ πολλὴν τὴν τραγῳδίαν σκέποντεσ· ἕκαστον γοῦν αὐτῶν ἢν ἐξειλήσῃσ, δρᾶμα οὐ μικρὸν εὑρήσεισ Εὐριπίδου τινὸσ ἢ Σοφοκλέουσ, τὰ δ’ ἔξω πορφύρα εὐανθὴσ καὶ χρυσοῦσ ὁ ὀμφαλόσ. ταῦτα οὖν συνεπιστάμενοι αὑτοῖσ, μισοῦσι καὶ ἐπιβουλεύουσιν εἴ τισ ἀποστὰσ ἀκριβῶσ κατανενοηκὼσ αὐτοὺσ ἐκτραγῳδήσει καὶ πρὸσ πολλοὺσ ἐρεῖ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION