Lucian, De mercede, (no name) 35:

(루키아노스, De mercede, (no name) 35:)

τοιαῦτα ἐντρυφῶσι, μᾶλλον δὲ ἐνυβρίζουσι τοῖσ συνοῦσι, κατὰ μικρὸν αὐτοὺσ χειροήθεισ τῇ ὕβρει παρασκευάζοντεσ. οἶδα δ’ ἐγὼ καὶ ῥήτορα τῶν καρχάρων ἐπὶ τῷ δείπνῳ κελευσθέντα μελετήσαντα μὰ τὸν Δί’ οὐκ ἀπαιδεύτωσ, ἀλλὰ πάνυ τορῶσ καὶ συγκεκροτημένωσ· ἐπῃνεῖτο γοῦν μεταξὺ πινόντων οὐ πρὸσ ὕδωρ μεμετρημένον, ἀλλὰ πρὸσ οἴνου ἀμφορέασ λέγων, καὶ τοῦτο ὑποστῆναι τὸ τόλμημα ἐπὶ διακοσίαισ δραχμαῖσ ἐλέγετο. ταῦτα μὲν οὖν ἴσωσ μέτρια. ἢν δὲ ποιητικὸσ αὐτὸσ ἢ συγγραφικὸσ ὁ πλούσιοσ ᾖ, παρὰ τὸ δεῖπνον τὰ αὑτοῦ ῥαψῳδῶν, τότε καὶ μάλιστα διαρραγῆναι χρὴ ἐπαινοῦντα καὶ κολακεύοντα καὶ τρόπουσ ἐπαίνων καινοτέρουσ ἐπινοοῦντα. εἰσὶ δ’ οἳ καὶ ἐπὶ κάλλει θαυμάζεσθαι ἐθέλουσιν, καὶ δεῖ Ἀδώνιδασ αὐτοὺσ καὶ Υἁκίνθουσ ἀκούειν, πήχεωσ ἐνίοτε τὴν ῥῖνα ἔχοντασ. σὺ δ’ οὖν ἂν μὴ ἐπαινῇσ, εἰσ τὰσ λιθοτομίασ τὰσ Διονυσίου εὐθὺσ ἀφίξῃ ὡσ καὶ φθονῶν καὶ ἐπιβουλεύων αὐτῷ. χρὴ δὲ καὶ σοφοὺσ καὶ ῥήτορασ εἶναι αὐτούσ, κἂν εἴ τι σολοικίσαντεσ τύχωσιν, αὐτὸ τοῦτο τῆσ Ἀττικῆσ καὶ τοῦ Ὑμηττοῦ μεστοὺσ δοκεῖν τοὺσ λόγουσ καὶ νόμον εἶναι τὸ λοιπὸν οὕτω λέγειν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION