Lucian, De mercede, (no name) 23:

(루키아노스, De mercede, (no name) 23:)

καὶ πρῶτόν γε μέμνησο μηκέτι ἐλεύθερον τὸ ἀπ’ ἐκείνου μηδὲ εὐπατρίδην σεαυτὸν οἰέσθαι πάντα γὰρ ταῦτα, τό γένοσ, τὴν ἐλευθερίαν, τοὺσ προγόνουσ ἔξω τοῦ ὀδοῦ καταλείψων ἴσθι ἐπειδὰν ἐπὶ τοιαύτην σαυτὸν ’ λατρείαν ἀπεμπολήσασ εἰσίῃσ· οὐ γὰρ ἐθελήσει σοι ἡ Ἐλευθερία συνεισελθεῖν ἐφ’ οὕτωσ ἀγεννῆ πράγματα καὶ ταπεινὰ εἰσιόντι. "ἀεικελίῳ ἐπὶ μισθῷ. καὶ ἅτε δὴ μὴ ἐκ παίδων τῇ Δουλείᾳ συντραφείσ, ὀψιμαθήσασ δὲ καὶ πόρρω που τῆσ ἡλικίασ παιδευόμενοσ πρὸσ αὐτῆσ οὐ πάνυ εὐδόκιμοσ ἔσῃ οὐδὲ πολλοῦ ἄξιοσ τῷ δεσπότῃ· διαφθείρει γάρ σε ἡ μνήμη τῆσ ἐλευθερίασ ὑπιοῦσα καὶ ἀποσκιρτᾶν ἐνίοτε ποιεῖ καὶ δι’ αὐτὸ ἐν τῇ δουλείᾳ πονηρῶσ ἀπαλλάττειν. πλὴν εἰ μὴ ἀποχρῆν σοι πρὸσ ἐλευθερίαν νομίζεισ τὸ μὴ Πυρρίου μηδὲ Ζωπυρίωνοσ υἱὸν εἶναι, μηδὲ ὥσπερ τισ Βιθυνὸσ ὑπὸ μεγαλοφώνῳ τῷ κήρυκι ἀπημπολῆσθαι. ἀλλ’ ὁπόταν, ὦ βέλτιστε, τῆσ νουμηνίασ ἐπιστάσησ ἀναμιχθεὶσ τῷ Πυρρίᾳ καὶ τῷ Ζωπυρίωνι προτείνῃσ τὴν χεῖρα ὁμοίωσ τοῖσ ἄλλοισ οἰκέταισ καὶ λάβῃσ ἐκεῖνο ὁτιδήποτε ἦν τὸ γιγνόμενον, τοῦτο ἡ πρᾶσίσ ἐστι. κήρυκοσ γὰρ οὐκ ἔδει ἐπ’ ἄνδρα ἑαυτὸν ἀποκηρύξαντα καὶ μακρῷ χρόνῳ μνηστευσάμενον ἑαυτῷ τὸν δεσπότην.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION