Lucian, De mercede, (no name) 20:

(루키아노스, De mercede, (no name) 20:)

βέβαιον καὶ ἀληθὲσ ἔσεσθαι νομίζεισ, οὐκ εἰδὼσ ὅτι τὰ τοιαῦτα χείλεα μὲν τ’ ἐδίην’, ὑπερῴην δ’ οὐκ ἐδίηνε. τελευταῖον δ’ ὑπ’ αἰδοῦσ αὐτῷ ἐπέτρεψασ. ὁ δὲ αὐτὸσ μὲν οὔ φησιν ἐρεῖν, τῶν φίλων δέ τινα τῶν παρόντων κελεύει μέσον ἐλθόντα τοῦ πράγματοσ εἰπεῖν ὃ μήτ’ αὐτῷ γίγνοιτ’ ἂν βαρὺ καὶ πρὸσ ἄλλα τούτων ἀναγκαιότερα δαπανῶντι μήτε τῷ ληψομένῳ εὐτελέσ. "τῶν ἐν τῇ πόλει ἁπάντων, ὦ οὗτοσ, οὐκ ἂν εἴποισ, ᾧ γε τοῦτο πρῶτον ὑπῆρχεν ὃ πολλοῖσ πάνυ γλιχομένοισ μόλισ ἂν γένοιτο παρὰ τῆσ Τύχησ· "λέγω δὲ ὁμιλίασ ἀξιωθῆναι καὶ ἑστίασ κοινωνῆσαι καὶ εἰσ τὴν πρώτην οἰκίαν τῶν ἐν τῇ Ῥωμαίων ἀρχῇ καταδεχθῆναι· "τοῦτο γὰρ ὑπὲρ τὰ Κροίσου τάλαντα καὶ τὸν Μίδου πλοῦτον, εἰ σωφρονεῖν οἶσθα. "ἰδὼν ^ δὲ πολλοὺσ τῶν εὐδοκίμων ἐθελήσαντασ ἄν, εἰ καὶ προσδιδόναι δέοι, μόνησ τῆσ δόξησ ἕνεκα συνεῖναι τούτῳ καὶ ὁρᾶσθαι περὶ αὐτὸν ἑταίρουσ καὶ φίλουσ εἶναι δοκοῦντασ, οὐκ ἔχω ὅπωσ σε τῆσ εὐποτμίασ μακαρίσω, ὃσ καὶ προσλήψῃ μισθὸν τῆσ τοιαύτησ εὐδαιμονίασ. "ἀρκεῖν οὖν νομίζω, εἰ μὴ πάνυ ἄσωτοσ εἶ, τοσόνδε τι· εἰπὼν ἐλάχιστον καὶ μάλιστα πρὸσ τὰσ σὰσ ἐκείνασ ἐλπίδασ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION