Lucian, De mercede, (no name) 5:

(루키아노스, De mercede, (no name) 5:)

δοκῶ δέ μοι καλῶσ ἂν ποιῆσαι, εἰ τὰσ αἰτίασ ἀφ’ ὧν ἐπὶ τὸν τοιοῦτον βίον ἀφικνοῦνταί τινεσ προεξετάσασ δείξαιμι οὐ πάνυ βιαίουσ οὐδ’ ἀναγκαίασ· οὕτω γὰρ ἂν αὐτοῖσ ἡ ἀπολογία προαναιροῖτο καὶ ἡ πρώτη ὑπόθεσισ τῆσ ἐθελοδουλείασ. οἱ μὲν δὴ πολλοὶ τὴν πενίαν καὶ τὴν τῶν ἀναγκαίων χρείαν προθέμενοι ἱκανὸν τοῦτο προκάλυμμα οἰόνται προβεβλῆσθαι τῆσ πρὸσ τὸν βίον τοῦτον αὐτομολίασ, καὶ ἀποχρῆν αὐτοῖσ νομίζουσιν εἰ λέγοιεν ὡσ συγγνώμησ ἄξιον ποιοῦσιν τὸ χαλεπώτατον τῶν ἐν τῷ βίῳ, τὴν πενίαν, διαφυγεῖν ζητοῦντεσ· εἶτα ὁ Θέογνισ πρόχειροσ καὶ πολὺ τό, πᾶσ γὰρ ἀνὴρ πενίῃ δεδμημένοσ καὶ ὅσα ἄλλα δείματα ὑπὲρ τῆσ πενίασ οἱ ἀγεννέστατοι τῶν ποιητῶν ἐξενηνόχασιν. ἐγὼ δ’ εἰ μὲν ἑώρων αὐτοὺσ φυγήν τινα ὡσ ἀληθῶσ τῆσ πενίασ εὑρισκομένουσ ἐκ τῶν τοιούτων συνουσιῶν, οὐκ ἂν ὑπὲρ τῆσ ἄγαν ἐλευθερίασ ἐμικρολογούμην πρὸσ αὐτούσ· ἐπεὶ δὲ ‐ ὡσ ὁ καλόσ που ῥήτωρ ἔφη ‐ τοῖσ τῶν νοσούντων σιτίοισ ἐοικότα λαμβάνουσι, τίσ ἔτι μηχανὴ μὴ οὐχὶ καὶ πρὸσ τοῦτο κακῶσ βεβουλεῦσθαι δοκεῖν αὐτούσ, ἀεὶ μενούσησ αὐτοῖσ ὁμοίασ τῆσ ὑποθέσεωσ τοῦ βίου; πενία γὰρ εἰσαεὶ καὶ τὸ λαμβάνειν ἀναγκαῖον καὶ ἀπόθετον οὐδὲν οὐδὲ περιττὸν εἰσ φυλακήν, ἀλλὰ τὸ δοθέν, κἂν δοθῇ, κἂν ἀθρόωσ ληφθῇ, πᾶν ἀκριβῶσ καὶ τῆσ χρείασ ἐνδεῶσ καταναλίσκεται. καλῶσ δὲ εἶχε μὴ τοιαύτασ τινὰσ ἀφορμὰσ ἐπινοεῖν αἳ τὴν πενίαν τηροῦσι παραβοηθοῦσαι μόνον αὐτῇ, ἀλλ’ αἳ τέλεον ἐξαιρήσουσιν, καὶ ὑπέρ γε τοῦ τοιούτου καὶ εἰσ βαθυκήτεα πόντον ἴσωσ ῥιπτεῖν, εἰ δεῖ, ὦ Θέογνι, καὶ πετρέων, ὡσ φήσ, κατ’ ἠλιβάτων. εἰ δέ τισ ἀεὶ πένησ καὶ ἐνδεὴσ καὶ ὑπόμισθοσ ὢν οἰέται πενίαν αὐτῷ τούτῳ διαπεφευγέναι, οὐκ οἶδα πῶσ ὁ τοιοῦτοσ οὐκ ἂν δόξειεν ἑαυτὸν ἐξαπατᾶν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION