Lucian, De Syria dea, (no name) 36:

(루키아노스, De Syria dea, (no name) 36:)

ἔργων δὲ αὐτοῦ πέρι πολλὰ μὲν ἔχω εἰπεῖν, ἐρέω δὲ τὸ μάλιστα θωυμάζειν ἄξιον. πρῶτα δὲ τοῦ μαντηίου ἐπιμνήσομαι. μαντήια πολλὰ μὲν παρ’ Ἕλλησι, πολλὰ δὲ καὶ παρ’ Αἰγυπτίοισι, τὰ δὲ καὶ ἐν Λιβύῃ, καὶ ἐν τῇ δὲ Ἀσίῃ πολλά ἐστιν. ἀλλὰ τὰ μὲν οὔτε ἱρέων ἄνευ οὔτε προφητέων φθέγγονται, ὅδε δὲ αὐτόσ τε κινέεται καὶ τὴν μαντηίην ἐσ τέλοσ αὐτουργέει. τρόποσ δὲ αὐτῆσ ‐ τοιόσδε. εὖτ’ ἂν ἐθέλῃ χρησμηγορέειν, ἐν τῇ ἕδρῃ πρῶτα κινέεται, οἱ δέ μιν ἱρέεσ αὐτίκα ἀείρουσιν ἢν δὲ μὴ ἀείρωσιν, ὁ δὲ ἱδρώει καὶ ἐσ μέζον ἔτι κινέεται. εὖτ’ ἂν δὲ ὑποδύντεσ φέρωσιν, ἄγει σφέασ πάντῃ περιδινέων καὶ ἐσ ἄλλον ἐξ ἑτέρου μεταπηδέων. τέλοσ ὁ ἀρχιερεὺσ ἀντιάσασ ἐπερέεταί μιν περὶ ἁπάντων πρηγμάτων· ὁ δὲ ἢν τι μὴ ἐθέλῃ ποιέεσθαι, ὀπίσω ἀναχωρέει, ἢν δὲ τι ἐπαινέῃ, ἄγει ἐσ τὸ πρόσω τοὺσ προφέροντασ ὅκωσπερ ἡνιοχέων. οὕτωσ μὲν συναγείρουσι τὰ θέσφατα, καὶ οὔτε ἱρὸν πρῆγμα οὐδὲν οὔτε ἴδιον τούτου ἄνευ ποιέουσιν. λέγει δὲ καὶ τοῦ ἔτεοσ πέρι καὶ τῶν ὡρέων αὐτοῦ πασέων, καὶ ὁκότε οὐκ ἔρονται λέγει δὲ καὶ τοῦ σημηίου πέρι, κότε χρή μιν ἀποδημέειν τὴν εἶπον ἀποδημίην.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION