헬라어 문장 검색 - Λυξιαν́ΔεΣψριά1́0́12́

(루키아노스, De Syria dea, (no name) 12:)

οἱ μὲν ὦν πολλοὶ Δευκαλίωνα τὸν Σκύθεα τὸ ἱρὸν εἵσασθαι λέγουσιν, τοῦτον Δευκαλίωνα ἐπὶ τοῦ τὸ πολλὸν ὕδωρ ἐγένετο. Δευκαλίωνοσ δὲ πέρι λόγον ἐν Ἕλλησιν ἤκουσα, τὸν Ἕλληνεσ ἐπ’ αὐτῷ λέγουσιν. ὁ δὲ μῦθοσ ὧδε ἔχει. ἥδε ἡ γενεή, οἱ νῦν ἄνθρωποι, οὐ πρῶτοι ἐγένοντο, ἀλλ’ ἐκείνη μὲν ἡ γενεὴ πάντεσ ὤλοντο, οὗτοι δὲ γένεοσ τοῦ δευτέρου εἰσί, τὸ αὖτισ ἐκ Δευκαλίωνοσ ἐσ πληθὺν ἀπίκετο. ἐκείνων δὲ πέρι τῶν ἀνθρώπων τάδε μυθέονται· ὑβρισταὶ κάρτα ἐόντεσ ἀθέμιστα ἔργα ἔπρησσον, οὔτε γὰρ ὁρ́κια ἐφύλασσον οὔτε ξείνουσ ἐδέκοντο οὔτε ἱκετέων ἠνείχοντο, ἀνθ’ ὧν σφίσιν ἡ μεγάλη συμφορὴ ἀπίκετο. αὐτίκα ἡ γῆ πολλὸν ὕδωρ ἐκδιδοῖ καὶ ὄμβροι μεγάλοι ἐγένοντο καὶ οἱ ποταμοὶ κατέβησαν μέζονεσ καὶ ἡ θάλασσα ἐπὶ πολλὸν ἀνέβη, ἐσ ὃ πάντα ὕδωρ ἐγένοντο καὶ πάντεσ ὤλοντο, Δευκαλίων δὲ μοῦνοσ ἀνθρώπων ἐλίπετο ἐσ γενεὴν δευτέρην εὐβουλίησ τε καὶ τοῦ εὐσεβέοσ εἵνεκα. ἡ δὲ οἱ σωτηρίη ἥδε ἐγένετο· λάρνακα μεγάλην, τὴν αὐτὸσ εἶχεν, ἐσ ταύτην ἐσβιβάσασ παῖδάσ τε καὶ γυναῖκασ ἑωυτοῦ ἐσέβη· ἐσβαίνοντι δέ οἱ ἀπίκοντο σύεσ καὶ ἵπποι καὶ λεόντων γένεα καὶ ὄφιεσ καὶ ἄλλα ὁκόσα ἐν γῇ νέμονται, πάντα ἐσ ζεύγεα. ὁ δὲ πάντα ἐδέκετο, καί μιν οὐκ ἐσίνοντο, ἀλλά σφι μεγάλη διόθεν φιλίη ἐγένετο. καὶ ἐν μιῇ λάρνακι πάντεσ ἔπλευσαν ἔστε τὸ ὕδωρ ἐπεκράτεεν τὰ μὲν Δευκαλίωνοσ πέρι Ἕλληνεσ ἱστορέουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, De Syria dea, (no name) 12:

(루키아노스, De Syria dea, (no name) 12:)

상위

목록

SEARCH

MENU NAVIGATION