Lucian, Contemplantes, (no name) 19:

(루키아노스, Contemplantes, (no name) 19:)

ἐθέλω δ’ οὖν σοι, ὦ Ἑρμῆ, εἰπεῖν, ᾧτινι ἐοικέναι μοι ἔδοξαν οἱ ἄνθρωποι καὶ ὁ βίοσ ἅπασ αὐτῶν. ἤδη ποτὲ πομφόλυγασ ἐν ὕδατι ἐθεάσω ὑπὸ κρουνῷ τινι καταράττοντι ἀνισταμένασ; τὰσ φυσαλλίδασ λέγω, ἀφ’ ὧν συναγείρεται ὁ ἀφρόσ· ἐκείνων τοίνυν τινὲσ μὲν μικραί εἰσι καὶ αὐτίκα ἐκραγεῖσαι ἀπέσβησαν, αἱ δ’ ἐπὶ πλέον διαρκοῦσι· καὶ προσχωρουσῶν αὐταῖσ τῶν ἄλλων αὗται ὑπερφυσώμεναι ἐσ μέγιστον ὄγκον αἴρονται, ἔπειτα μέντοι κἀκεῖναι πάντωσ ἐξερράγησάν ποτε· οὐ γὰρ οἱο͂́ν τε ἄλλωσ γενέσθαι. τοῦτό ἐστιν ὁ ἀνθρώπου βίοσ· ἅπαντεσ ὑπὸ πνεύματοσ ἐμπεφυσημένοι οἱ μὲν μείζουσ, οἱ δὲ ἐλάττουσ· καὶ οἱ μὲν ὀλιγοχρόνιον ἔχουσι καὶ ὠκύμορον τὸ φύσημα, οἱ δὲ ἅμα τῷ συστῆναι ἐπαύσαντο· πᾶσι δ’ οὖν ἀπορραγῆναι ἀναγκαῖον. οὐδὲν χεῖρον σὺ τοῦ Ὁμήρου εἴκασασ, ὦ Χάρων, ὃσ φύλλοισ τὸ γένοσ αὐτῶν ὁμοιοῖ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION