Lucian, Calumniae non temere credundum, (no name) 20:

μηχανήματα δ’ αὐτοῖσ κατὰ τοῦ ἀκούοντοσ ἥ τε ἀπάτη καὶ τὸ ψεῦδοσ καὶ ἡ ἐπιορκία καὶ προσλιπάρησισ καὶ ἀναισχυντία καὶ ἄλλα μυρία ῥᾳδιουργήματα. ἡ δὲ δὴ μεγίστη πασῶν ἡ κολακεία ἐστί, συγγενήσ, μᾶλλον δὲ ἀδελφή τισ οὖσα τῆσ διαβολῆσ. οὐδεὶσ γοῦν οὕτω γεννάδασ ἐστὶ καὶ ἀδαμάντινον τεῖχοσ τῆσ ψυχῆσ προβεβλημένοσ, ὃσ οὐκ ἂν ἐνδοίη πρὸσ τὰσ τῆσ κολακείασ προσβολάσ, καὶ ταῦτα ὑπορυττούσησ καὶ τοὺσ θεμελίουσ ὑφαιρούσησ τῆσ διαβολῆσ.