Lucian, Calumniae non temere credundum, (no name) 5:

(루키아노스, Calumniae non temere credundum, (no name) 5:)

ἐν δεξιᾷ τισ ἀνὴρ κάθηται τὰ ὦτα παμμεγέθη ἔχων μικροῦ δεῖν τοῖσ τοῦ Μίδου προσεοικότα, τὴν χεῖρα προτείνων πόρρωθεν ἔτι προσιούσῃ τῇ Διαβολῇ. οὕτωσ μὲν Ἀπελλῆσ τὸν ἑαυτοῦ κίνδυνον ἐπὶ τῆσ γραφῆσ ἐμιμήσατο. περὶ δὲ αὐτὸν ἑστᾶσι δύο γυναῖκεσ, Ἄγνοιά μοι δοκεῖ καὶ Ὑπόληψισ· ἑτέρωθεν δὲ προσέρχεται ἡ Διαβολή, γύναιον ἐσ ὑπερβολὴν πάγκαλον, ὑπόθερμον δὲ καὶ παρακεκινημένον, οἱο͂ν δὴ τὴν λύτταν καὶ τὴν ὀργὴν δεικνύουσα, τῇ μὲν ἀριστερᾷ δᾷδα καιομένην ἔχουσα, τῇ ἑτέρᾳ δὲ νεανίαν τινὰ τῶν τριχῶν σύρουσα τὰσ χεῖρασ ὀρέγοντα εἰσ τὸν οὐρανὸν καὶ μαρτυρόμενον τοὺσ θεούσ. ἡγεῖται δὲ ἀνὴρ ὠχρὸσ καὶ ἄμορφοσ, ὀξὺ δεδορκὼσ καὶ ἐοικὼσ τοῖσ ἐκ νόσου μακρᾶσ κατεσκληκόσι. τοῦτον οὖν εἶναι τὸν Φθόνον ἄν τισ εἰκάσειε. καὶ μὴν καὶ ἄλλαι τινὲσ δύο παρομαρτοῦσι προτρέπουσαι καὶ περιστέλλουσαι καὶ κατακοσμοῦσαι τὴν Διαβολήν. ὡσ δέ μοι καὶ ταύτασ ἐμήνυσεν ὁ περιηγητὴσ τῆσ εἰκόνοσ, ἡ μέν τισ Ἐπιβουλὴ ^ ἦν, ἡ δὲ Ἀπάτη. κατόπιν δὲ ἠκολούθει πάνυ πενθικῶσ τισ ἐσκευασμένη, μελανείμων καὶ κατεσπαραγμένη, Μετάνοια, οἶμαι αὕτη ἐλέγετο· ἐπεστρέφετο γοῦν εἰσ τοὐπίσω δακρύουσα καὶ μετ’ αἰδοῦσ πάνυ τὴν Ἀλήθειαν προσιοῦσαν ὑπέβλεπεν.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION