Lucian, Calumniae non temere credundum, (no name) 1:

(루키아노스, Calumniae non temere credundum, (no name) 1:)

δεινόν γε ἡ ἄγνοια καὶ πολλῶν κακῶν ἀνθρώποισ αἰτία, ὥσπερ ἀχλύν τινα καταχέουσα τῶν πραγμάτων καὶ τὴν ἀλήθειαν ἀμαυροῦσα καὶ τὸν ἑκάστου βίον ἐπηλυγάζουσα. ἐν σκότῳ γοῦν πλανωμένοισ πάντεσ ἐοίκαμεν, μᾶλλον δὲ τυφλοῖσ ὅμοια πέπονθαμεν, τῷ μὲν προσπταίοντεσ ἀλόγωσ, τὸ δὲ ὑπερβαίνοντεσ, οὐδὲν δέον, καὶ τὸ μὲν πλησίον καὶ παρὰ πόδασ οὐχ ὁρῶντεσ, τὸ δὲ πόρρω καὶ πάμπολυ διεστηκὸσ ὡσ ἐνοχλοῦν δεδιότεσ· καὶ ὅλωσ ἐφ’ ἑκάστου τῶν πραττομένων οὐ διαλείπομεν τὰ πολλὰ ὀλισθαίνοντεσ. τοιγάρτοι μυρίασ ἤδη τοῖσ τραγῳδοδιδασκάλοισ ἀφορμὰσ εἰσ τὰ δράματα τὸ τοιοῦτο παρέσχηται, τοὺσ Λαβδακίδασ καὶ τοὺσ Πελοπίδασ καὶ τὰ τούτοισ παραπλήσια· σχεδὸν γὰρ τὰ πλεῖστα τῶν ἐν τῇ σκηνῇ ἀναβαινόντων κακῶν εὑρ́οι τισ ἂν ὑπὸ τῆσ ἀγνοίασ καθάπερ ὑπὸ τραγικοῦ τινοσ δαίμονοσ κεχορηγημένα. ’ Λέγω δὲ καὶ ἐσ τὰ ἄλλα μὲν ἀποβλέπων, μάλιστα δὲ ἐσ τὰσ οὐκ ἀληθεῖσ κατὰ τῶν συνήθων καὶ φίλων διαβολάσ, ὑφ’ ὧν ἤδη καὶ οἶκοι ἀνάστατοι γεγόνασι καὶ πόλεισ ἄρδην ἀπολώλασι, πατέρεσ τε κατὰ παίδων ἐξεμάνησαν καὶ ἀδελφοὶ κατὰ τῶν ὁμογενῶν καὶ παῖδεσ κατὰ τῶν γειναμένων καὶ ἐρασταὶ κατὰ τῶν ἐρωμένων· πολλαὶ δὲ καὶ φιλίαι συνεκόπησαν καὶ ὁρ́κοι ^ συνεχύθησαν ὑπὸ τῆσ κατὰ τὰσ διαβολὰσ πιθανότητοσ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION