Lucian, Alexander, (no name) 45:

ὃ μὲν ταῦτα ἔλεγεν. ὁ δὲ Ἀλέξανδροσ ἀγανακτήσασ ἐπὶ τῷ ἐλέγχῳ καὶ μὴ φέρων τοῦ ὀνείδουσ τὴν ἀλήθειαν ἐκέλευεν τοὺσ παρόντασ λίθοισ βάλλειν αὐτόν, ἢ καὶ αὐτοὺσ ἐναγεῖσ ἔσεσθαι καὶ Ἐπικουρείουσ κληθήσεσθαι. τῶν δὲ βάλλειν ἀρξαμένων Δημόστρατόσ τισ ἐπιδημῶν, τοῦ Πόντου πρῶτοσ, περιχυθεὶσ ἐρρύσατο τοῦ θανάτου τὸν ἄνθρωπον μικροῦ δεῖν καταλευσθέντα, πάνυ δικαίωσ. τί γὰρ ἔδει μόνον φρονεῖν ἐν τοσούτοισ μεμηνόσιν καὶ παραπολαῦσαι τῆσ Παφλαγόνων μωρίασ ;