Hyperides, Speeches, [Ἐπιτάφιοσ] 42:

εἰ γὰρ θρήνων ἄξια πεπόνθασιν, ἀλλ’ ἐπαίνων μεγάλων πεποιήκασιν. εἰ δὲ γήρωσ θνητοῦ μὴ μετέσχον, ἀλλ’ εὐδοξίαν ἀγήρατον εἰλήφασιν, εὐδαίμονέσ τε γεγόνασι κατὰ πάντα. ὅσοι μὲν γὰρ αὐτῶν ἄπαιδεσ τετελευτήκασιν, οἱ παρὰ τῶν Ἑλλήνων ἔπαινοι παῖδεσ αὐτῶν ἀθάνατοι ἔσονται. ὅσοι δὲ παῖδασ καταλελοίπασιν, ἡ τῆσ πατρίδοσ εὔνοια ἐπίτροποσ αὐτοῖσ τῶν παίδων καταστήσεται.