Hyperides, Speeches, Ὑπὲρ Εὐξενίππου ἐισαγγελίασ ἀπολογία πρὸσ Πολύευκτον 14:

νὴ Δία, τὰ γὰρ πεπραγμένα αὐτῷ δεινά ἐστι καὶ ἄξια θανάτου, ὡσ σὺ λέγεισ ἐν τῇ κατηγορίᾳ. σκέψασθε δή, ὦ ἄνδρεσ δικασταί, καθ’ ἓν ἕκαστον αὐτῶν ἐξετάζοντεσ. ὁ δῆμοσ προσέταξεν Εὐξενίππῳ τρίτῳ αὐτῷ ἐγκατακλιθῆναι εἰσ τὸ ἱερόν, οὗτοσ δὲ κοιμηθεὶσ ἐνύπνιόν φησιν ἰδεῖν, ὃ τῷ δήμῳ ἀπαγγεῖλαι. τοῦτ’ εἰ μὲν ὑπελάμβανεσ ἀληθὲσ εἶναι, καὶ ὃ εἶδεν ἐν τῷ ὕπνῳ τοῦτ’ αὐτὸν ἀπαγγεῖλαι πρὸσ τὸν δῆμον, τί καὶ ἀδικεῖ, ἃ ὁ θεὸσ αὐτῷ προσέταττε ταῦτ’ ἐξαγγείλασ πρὸσ Ἀθηναίουσ;