Hyperides, Speeches, Κατ Ἀθηνογένους? 21:

ε]ἰ σὺ μὲν διὰ τὸ μὴ εἰδέναι μὴ προεῖπάς [μοι] πάντα τὰ χρέα, ἐγὼ δὲ ὅσα σου ἤκουσα ταῦτα μόνον οἰόμενος εἶναι τὰς συνθήκας ἐθέμην, πότερος δίκαιός ἐστιν ἐκτεῖ[σα]ι, ὁ ὕστερος πριάμενος ἢ [ὁ π]άλαι κεκτημένος ὅτ ἐδανείζετο· ἐγὼ μὲν γὰρ οἰόμαι σέ. εἰ δ ἄρ ἀντιλέγομεν περὶ τούτου, διαιτητὴς ἡμῖν γενέσθω ὁ νόμος, ὃν οὐχ οἱ ἐρῶντε[ς ο]ὐδ οἱ ἐπιβουλεύοντες τοῖς [ἀλλ]οτρίοις ἔθεσαν, ἀλλ ὁ δημοτικώτα[τος] Σόλων: