Hyperides, Speeches, Κατ’ Ἀθηνογένους 13:

ἐρεῖ δὲ πρὸσ ὑμᾶσ αὐτίκα μάλα Ἀθηνογένησ ὡσ ὁ νόμοσ λέγει, ὅσα ἂν ἕτεροσ ἑτέρῳ ὁμολογήσῃ κύρια εἶναι. τά γε δίκαια, ὦ βέλτιστε· τὰ δὲ μὴ τοὐναντίον ἀπαγορεύει μὴ κύρια εἶναι. ἐξ αὐτῶν δέ σοι τῶν νόμων ἐγὼ φανερώτερον ποιήσω. καὶ γὰρ οὕτω με διατέθεικασ καὶ περίφοβον πεποίηκασ μὴ ἀπόλωμαι ὑπὸ σοῦ καὶ τῆσ δεινότητοσ τῆσ σῆσ, ὥστε τούσ τε νόμουσ ἐξετάζειν καὶ μελετᾶν νύκτα καὶ ἡμέραν, πάρεργα τἄλ[λα π]άντα ποιησάμενον.