헬라어 문장 검색 - Ηιπποξ́Οευϝρεσ́11́03́

(히포크라테스, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 3.)

Ἀλλὰ γὰρ αἴτιοσ ὁ ἐγκέφαλοσ τούτου τοῦ πάθεοσ, ὥσπερ καὶ τῶν ἄλλων νουσημάτων τῶν μεγίστων‧ ὁτέῳ δὲ τρόπῳ καὶ ἐξ οἱήσ προφάσιοσ γίνεται, ἐγὼ φράσω σαφέωσ. Ὁ ἐγκέφαλοσ τοῦ ἀνθρώπου ἐστὶ διπλόοσ ὥσπερ καὶ τοῖσιν ἄλλοισι ζώοισιν ἅπασιν‧ τὸ δὲ μέσον αὐτοῦ διείργει μῆνιγξ λεπτή‧ διὸ οὐκ αἰεὶ κατὰ τωὐτὸ τῆσ κεφαλὴσ ἀλγέει, ἀλλ’ ἐν μέρει ἑκάτερον, ὁτὲ δὲ ἅπασαν. Καὶ φλέβεσ δ’ ἐσ αὐτὸν τείνουσιν ἐξ ἅπαντοσ τοῦ σώματοσ, πολλαὶ καὶ λεπταὶ, δύο δὲ παχεῖαι, ἡ μὲν ἀπὸ τοῦ ἥπατοσ, ἡ δὲ ἀπὸ τοῦ σπληνόσ. Καὶ ἡ μὲν ἀπὸ τοῦ ἥπατοσ ὧδ’ ἔχει‧ τὸ μέν τι τῆσ φλεβὸσ κάτω τείνει διὰ τῶν ἐπὶ δεξιὰ παρ’ αὐτὸν τὸν νεφρὸν καὶ τὴν ψυὴν ἐσ τὸ ἐντὸσ τοῦ μηροῦ, καὶ καθήκει ἐσ τὸν πόδα, καὶ καλέεται κοίλη φλέψ‧ ἡ δὲ ἑτέρη ἄνω τείνει διὰ φρενῶν τῶν δεξιῶν καὶ τοῦ πλεύμονοσ‧ ἀπέσχισται δὲ καὶ ἐσ τὴν καρδίην καὶ ἐσ τὸν βραχίονα τὸν δεξιόν‧ τὸ δὲ λοιπὸν ἄνω φέρει διὰ τῆσ κληῗδοσ ἐσ τὰ δεξιὰ τοῦ αὐχένοσ, ἐσ αὐτὸ τὸ δέρμα, ὥστε κατάδηλόσ εἶναι‧ παρὰ δὲ τὸ οὖσ κρύπτεται καὶ ἐνταῦθα σχίζεται, καὶ τὸ μὲν παχύτατον καὶ μέγιστον καὶ κοιλότατον ἐσ τὸν ἐγκέφαλον τελευτᾷ, τὸ δὲ ἐσ τὸ οὖσ τὸ δεξιὸν φλέβιον λεπτὸν, τὸ δὲ ἐσ τὸν ὀφθαλμὸν τὸν δεξιὸν, τὸ δὲ ἐσ τὸν μυκτῆρα. Ἀπὸ μὲν τοῦ ἥπατοσ οὕτωσ ἔχει τῶν φλεβῶν. Διατέταται δὲ καὶ ἀπὸ τοῦ σπληνὸσ φλὲψ ἐσ τὰ ἀριστερὰ καὶ κάτω καὶ ἄνω, ὥσπερ καὶ ἀπὸ τοῦ ἥπατοσ, λεπτοτέρη δὲ καὶ ἀσθενεστέρη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 3.

(히포크라테스, Oeuvres Completes D'Hippocrate., ΠΕΡΙ ΙΕΡΗΣ ΝΟΥΣΟΥ., 3.)

상위

목록

SEARCH

MENU NAVIGATION