헬라어 문장 검색 - Ηιπποξ́Οευϝρεσ́05́17́0́

(히포크라테스, Oeuvres Completes D'Hippocrate., ΠΕΡΙ ΕΛΚΩΝ., 17.)

Ποιέει δὲ τὸ ξηρὸν ἀπὸ τοῦ ἐλλεβόρου μόνον καὶ τῆσ σανδαράχησ. ‐‐ Ἕτερον ὑγρόν‧ ποίη, ἧσ τὸ φύλλον ὅμοιον ἄρῳ τὴν φύσιν, λευκὸν δὲ, χνοῶδεσ, κατὰ κισσοῦ φύλλον τὸ μέγεθοσ‧ αὕτη ἡ ποίη ξὺν οἴνῳ ἐπιπλάσσεται. ‐‐ Ἢ τοῦ πρίνου τὸ περὶ τὸ στέλεχοσ τρίψασ ἐν οἴνῳ, ἐπίπλασσε. ‐‐ Ἕτερον‧ ὄμφακοσ χυλὸσ, ὄξοσ ὡσ ὀξύτατον, ἄνθοσ χαλκοῦ, νίτρον, ὀπὸσ ἐρινεοῦ. ‐‐ Ἐσ ὄμφακοσ χυλὸν στυπτηρίην ἐμβαλλειν ὡσ λειοτάτην, καὶ θεῖναι ἐν χάλκῷ ἐρυθρῷ ἐσ ἥλιον, καὶ ἀνακινέειν, καὶ ἀνελεῖν ὅταν δοκέῃ καλῶσ ἔχειν τὸ πάχοσ. ‐‐ Ἕτερον‧ ἑλλέβοροσ μέλασ ὡσ λειότατοσ ἐπιπάσσεται, ἑώσ ἄν τι τοῦ ὑγροῦ ἐνέῃ καὶ νεμομένου‧ ἐπίδεσισ δὲ ἡ αὐτὴ, ἥπερ ἐπὶ τοῖσιν ἐμπλάστροισιν. ‐‐ Ἕτερον‧ ἁλὸσ χόνδρουσ ὡσ ξηροτάτουσ ἐσ χυτρίδιον χάλκεον ἢ κεραμεοῦν καινὸν ἐμβαλεῖν, ἴσουσ ὡσ μάλιστα τὸ μέγεθοσ, μὴ ἁδρούσ‧ καὶ μέλι ὡσ κάλλιστον διπλάσιον τῶν ἁλῶν εἰκάσασ ἐπιχέαι ἐπὶ τοὺσ ἅλασ‧ ἔπειτα ἐπιθεῖναι ἐπὶ τοὺσ ἄνθρακασ τὸ χυτρίδιον, καὶ ἐᾷν ἑώσ ἂν κατακαυθῇ πᾶν‧ ἔπειτα ἀνασπογγίσασ τὸ ἕλκοσ καὶ ἐκκαθήρασ, ἐπιδῆσαι ὥσπερ τὸ πρότερον, καὶ πιέσαι ὀλίγῳ μᾶλλον‧ τῇ δ’ ὕστεραίῃ, ὅπη ἂν μὴ λάβηται τὸ φάρμακον, ἐπιπάσασ προσπιέζειν καὶ ἐπιδεῖν‧ ὅταν δὲ βούλῃ ἀφιστάναι τὸ φάρμακον, ὄξοσ θερμὸν ἐπιχέειν, ἑώσ ἂν ἀποστῇ, καὶ αὖθισ τὰ αὐτὰ ποιέειν, ἢν δέηται, ἀνασπογγίσασ. ‐‐ Ἄλλο ξηρὸν δάκνον‧ ὡσ οἰσυπωδέστατα εἴρια ἐπ’ ὀστράκου κατακαῦσαι δαιδίῳ προσίσχων ἑώσ ἂν πάντα κατακαύσῃσ‧ τοῦτο λεῖον τρίβων, ἐπιπάσασ τὴν αὐτὴν ἐπιδεῖν ἐπίδεσιν. ‐‐ Ἄλλο ξηρὸν ὁμοίωσ δάκνον‧ μίσυοσ ὡσ λειοτάτου ἐπιπάσσειν ἐπὶ τὰ ὑγρὰ καὶ σαπρὰ, καὶ ἄνθοσ λεπτὸν μὴ παντελῶσ λεῖον. ‐‐ Ἐπὶ τῶν αὐτῶν ἑλκέων‧ χαμαιλέων μέλασ, στυπτηρίη ἡ τῷ ὀπῷ τῆσ συκῆσ δεδευμένη, δεύειν δὲ ὀπτὴν, καὶ ἄγχουσαν μίσγειν. ‐‐ Ἀναγαλλὶσ, καὶ στυπτηρίη αἰγυπτίη ὀπτὴ, ἐπίπαστον ὀρχομένιον ἐπιπάσσειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΕΛΚΩΝ., 17.

(히포크라테스, Oeuvres Completes D'Hippocrate., ΠΕΡΙ ΕΛΚΩΝ., 17.)

상위

목록

SEARCH

MENU NAVIGATION