Hippocrates, Oeuvres Completes D'Hippocrate., ΠΕΡΙ ΕΛΚΩΝ., 12.

(히포크라테스, Oeuvres Completes D'Hippocrate., ΠΕΡΙ ΕΛΚΩΝ., 12.)

Ὄμφακα λευκὴν ἐσ χαλκεῖον θλίψασ ἐρυθρὸν δι’ ἠθμοῦ, πρὸσ ἥλιον τιθέναι τὰσ ἡμέρασ, τὰσ δὲ νύκτασ αἴρειν, ὅκωσ μὴ δροσίζηται, ἀνατρίβειν δὲ τῆσ ἡμέρησ ἀπαύστωσ, ὡσ ὁμαλῶσ ξηραίνηται, καὶ ἀπὸ τοῦ χαλκείου ὡσ ὅτι πλεῖστον ἀναλαμβάνῃ, τιθέναι δὲ ἐσ τὸν ἥλιον τοσοῦτον χρόνον, ἔστ’ ἂν παχὺ γένηται ὥσπερ μέλι‧ ἔπειτα ἐσ χύτρην χαλκῆν ἐγχέαι, καὶ μέλι ὡσ κάλλιστον, καὶ οἶνον γλυκὺν, ἐναφεψήσασ πρότερον Ῥητίνην τερμινθίνην, ἕψειν δὲ τὴν Ῥητίνην ἐν τῷ οἴνῳ, ἑώσ ἂν σκληρὴ γένηται ὥσπερ μέλι ἑφθόν‧ ἔπειτα τὴν μὲν Ῥητίνην ἐξελεῖν, τὸν δὲ οἶνον ξυγχέαι‧ ἔστω δὲ πλεῖστοσ μὲν ὁ χυλὸσ τῆσ ὄμφακοσ, δεύτερον δὲ ὁ οἶνοσ, τρίτον δὲ τὸ μέλι‧ καὶ σμύρναν τὴν στακτὴν καὶ ἄλλωσ ὡσ βελτίστην τρίψασ λείην, δίεσθαι τοῦ οἴνου τοῦ αὐτοῦ παρεγχέοντα κατ’ ὀλίγον‧ ἔπειτα ἕψειν αὐτὴν ἐφ’ ἑωυτῆσ τὴν σμύρναν ξὺν τῷ οἴνῳ ἀνακινέοντα, ὅταν δὲ δοκέῃ ἤδη καλῶσ ἔχειν τὸ πάχοσ, ξυγχέαι ἐσ τὸν χυλὸν τῆσ ὄμφακοσ, καὶ νίτρον ὡσ ἄριστον φρύξασ, ἡσύχωσ μιγνύναι ἐσ τὸ φάρμακον, καὶ ἄνθοσ χαλκοῦ ἔλασσον τοῦ νίτρου‧ ταῦτα δὲ ἐπειδὰν μίξῃσ, ἕψειν μὴ ἔλασσον τριῶν ἡμερέων, ξύλοισι συκίνοισιν ὡσ ὀλίγον ὑποκαίοντα ἢ ἄνθραξιν, ὡσ μὴ φρύγηται‧ καὶ ἐμβαλλόμενα πάντα ἄνυδρα ἔστω, καὶ τὰ ἑλκεα μὴ τεγγέσθω, ὅκη ἂν ἐπαλείφηται τοῦτο τὸ φάρμακον‧ χρῆσθαι δὲ τούτῳ τῷ φαρμάκῳ πρὸσ τὰ πεπαλαιωμένα ἕλκεα, καὶ πρὸσ τὰ νεότρωτα, καὶ ἐσ πόσθιον, καὶ ἐσ κεφαλῆσ ἕλκεα καὶ ὠτόσ. ‐‐ Φάρμακον ἕτερον τῶν αὐτέων ἑλκέων‧ χολὴ βοὸσ ξηρὴ, μέλι ὡσ κάλλιστον, οἶνοσ λευκόσ‧ ἐναφεψῆσαι δὲ ἐν αὐτῷ λωτοῦ τορνεύματα‧ λιβανωτὸσ, σμύρνα ἴση, κρόκοσ ἴσοσ, ἄνθοσ χαλκοῦ‧ ὁμοίωσ δὲ ὑγρῶν, οἶνοσ πλεῖστοσ, μέλι δεύτερον, ὀλίγιστον ἡ χολή. ‐‐ Ἕτερον‧ οἶνοσ, μέλι κέδρινον, ὀλίγον‧ τὰ δὲ ξηρὰ, ἄνθοσ χαλκοῦ, σμύρνα, σίδιον αὐο͂ν. ‐Ἕτερον‧ ἄνθοσ χαλκοῦ ὀπτὸν ἡμιμοίριον, σμύρνησ δύο ἡμιμσίρι, κρόκου τρεῖσ μοῖραι, μέλι ὀλίγον, σὺν οἴνῳ ὀπτώμενα. ‐‐ Ἕτερον‧ λιβανωτοῦ μοῖρα, σμύρνησ μοῖρα, κηκίδοσ μοῖρα, κρόκου τρεῖσ μοῖραι‧ τούτων ἕκαστον ξηρὸν τρίψασ ὡσ λειότατον, ἔπειτα μίξασ, τρίβειν ἐν ἡλίῳ ὡσ θερμοτάτῳ, παραχέων χυλὸν ὄμφακοσ ἑώσ ἄν ἰξῶδεσ γένηται, ἐπὶ τρεῖσ ἡμέρασ‧ ἔπειτα οἴνῳ αὐστηρῷ μέλανι εὐώδεϊ παραχέων κατ’ ὀλίγον δίεσθαι. ‐‐ Ἕτερον‧ ἐν οἴνῳ γλυκέί̈ ἕψειν λευκῷ πρίνου Ῥίζασ‧ ἐπειδὰν δὲ δοκέῃ καλῶσ ἔχειν, ἀποχέασ, τοῦ οἴνου δύο μοίρασ ποιῆσαι τοῦδε καὶ ἀμόργησ ἐλαίου ὡσ ἀνυδροτάτου μοῖραν μίαν, ἔπειτα ἕψειν, ἀνακινέων ὡσ μὴ φρυγῇ, μαλθακῷ πυρὶ, ἑώσ ἂν δοκέῃ τοῦ πάχεοσ καλῶσ ἔχειν. ‐‐ Ἕτερον‧ τὰ μὲν ἄλλα, τὰ αὐτά‧ ἀντὶ δὲ τοῦ οἴνου, ὄξοσ ὡσ ὀξύτατον ἔστω λευκόν‧ ἐμβάψαι δὲ ἐσ αὐτὸ εἴρια ὡσ οἰσυπώδεα‧ κἄπειτα δεύσασ τῆ ἀμόργῃ ἕψειν‧ καὶ ὀπὸν ἐρινεοῦ ξυγχέαι, καὶ στυπτηρίην μηλείην, καὶ νίτρον καὶ ἄνθοσ χαλκοῦ μῖξαι ὀπτὰ ἀμφότερα. Τοῦτο μᾶλλον τοῦ προτέρου καθαίρει τὰ ἕλκεα, ξηραίνει δὲ τὸ πρότερον οὐχ ἧσσον. ‐Ἕτερον‧ τὰ εἴρια βάψαι ὡσ ἐν ὀλιγίστῳ ὕδατι, ἔπειτα οἶνον ξυγχέασ μέροσ τρίτον, ἕψειν ἑώσ ἂν καλῶσ ἔχῃ τὸ πάχοσ. Ἀπὸ τῶνδε διαπυί̈σκεσθαι ἐξέσται τὰ νεότρωτα τάχιστα. ‐‐ Ἄλλο‧ ἄρον ξηρὸν ἐπιπάσσειν, καὶ στέλλειν. ‐‐ Κράδησ ἐν ὀπῷ φλοιὸν χλωρὸν τρίβων ἐν οἴνῳ ἐνστέλλειν, καὶ ἄνευ οἴνου αὐτὸν καὶ ξὺν μέλιτι. ‐‐ Ἕτερον‧ ὄξοσ, ἐναφεψῶν λωτοῦ τορνεύματα, ἔστω δὲ λευκὸν τὸ ὄξοσ, κἄπειτα μῖξαι ἀμόργην ἐλαιέων καὶ ὀῤῬὸν πίσσησ, τοῦτο ὠμόν‧ καὶ ἐπαλείφειν, καὶ καταστάζειν, καὶ ἐπιδεῖν.

일치하는 문장이 없습니다.

SEARCH

MENU NAVIGATION