헬라어 문장 검색 - Ηιπποξ́Οευϝρεσ́05́11́0́

(히포크라테스, Oeuvres Completes D'Hippocrate., ΠΕΡΙ ΕΛΚΩΝ., 11.)

Καταπλάσματα οἰδημάτων καὶ φλεγμασίησ τῆσ ἐν τοῖσι περιέχουσιν‧ ἡ ἑφθὴ φλόμοσ, καὶ τῆσ τριφύλλου τὰ φύλλα ὠμὰ, καὶ τοῦ ἐπιπέτρου τὰ φύλλα ἑφθὰ, καὶ τὸ πόλιον‧ ἢν δὲ καὶ καθαίρεσθαι δέῃ τὸ ἕλκοσ, παντὰ μὲν καὶ ταῦτα καθαίρει‧ ἀτὰρ καὶ τῆσ συκῆσ τὰ φύλλα καὶ τῆσ ἐλαίησ, καὶ τὸ πράσιον. Ἕψειν δὲ ταῦτα πάντα, μάλιστα δὲ τούτων ἕψειν τὸν ἄγνον, καὶ τὴν συκῆν, καὶ τὴν ἐλαίην, καὶ τῆσ σίδησ τὰ φύλλα ὡσαύτωσ ἕψειν. Ὠμοῖσι δὲ τοῖσίδε χρέεσθαι, τῆσ μαλάχησ τὰ φύλλα τρίβων ξὺν οἴνῳ, καὶ τοῦ πηγάνου τὰ φύλλα καὶ τῆσ ὀριγάνου χλωρῆσ‧ πᾶσι τούτοισι χρὴ τοῦ λίνου τὸν καρπὸν φρύξαντα καὶ κόψαντα ὡσ λειότατον μιγνύναι. Ὅκου δὲ ἐρυσίπελασ κίνδυνοσ ἐφ’ ἕλκεσι γενέσθαι, τῆσ ἰσάτιδοσ τὰ φύλλα τρίβων ὠμὰ καταπλάσσειν σὺν τῷ λίνῳ, ἢ τὸ λίνον δεύων στρύχνου χυλῷ ἢ ἰσάτιδοσ καταπλάσσειν. Ὅταν δὲ τὸ ἕλκοσ καθαρὸν μὲν ἐῄ, φλεγμαίνῃ δὲ τό τε ἕλκοσ καὶ τὰ περιέχοντα τοῦ ἕλκεοσ, φακὸν ἐν οἴνῳ ἑψήσασ καὶ τρίψασ λεῖον, ἐλαίῳ ὀλίγῳ φυρήσασ, καταπλάσασ, ἐπιδεῖν‧ καὶ τοῦ κυνοσβάτου ἑψήσασ τὰ φύλλα ἐν ὕδατι, τρίψασ λεῖα, καταπλάσσειν, ὀθόνιον ὑποτείνασ λεπτὸν καθαρὸν, οἴνῳ καὶ ἐλαίῳ τέγξασ‧ καὶ ὅταν ξυνάγειν βούλῃ, τοῦ κυνοσβάτου τὰ φύλλα, ὥσπερ τὸν φακὸν σκευάζειν. Σαυρίδιον, οἶνοσ καὶ λίνου καρπὸσ παραμίγνυται λεπτόσ‧ καὶ τόδε, ὁ τοῦ λίνου καρπὸσ, καὶ ἄγνοσ ὠμὸσ, καὶ μηλεία στυπτηρίη, ὄξει ταῦτα δευθέντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΕΛΚΩΝ., 11.

(히포크라테스, Oeuvres Completes D'Hippocrate., ΠΕΡΙ ΕΛΚΩΝ., 11.)

상위

목록

SEARCH

MENU NAVIGATION