Hippocrates, Oeuvres Completes D'Hippocrate., ΠΕΡΙ ΕΛΚΩΝ., 10.

(히포크라테스, Oeuvres Completes D'Hippocrate., ΠΕΡΙ ΕΛΚΩΝ., 10.)

Ὅτῳ ἂν οἴδημα γένηται παρὰ τὸ ἕλκοσ, ἀφλεγμάντου ἐόντοσ τοῦ ἕλκεοσ, χρόνῳ ὕστερον πύου ὑπόστασιν ἴσχει τὸ οἴδημα. Καὶ ὅ τι ἂν τῇ φλεγμασίῃ οἰδῆσαν μὴ καθιστῆται, τῶν ἄλλων καθισταμένων, ὅσα ἅμα ἤρξατο φλεγμαίνειν καὶ οἰδίσκεσθαι, καὶ τοῦτο κίνδυνοσ μηδ’ ἅμα ξυνιέναι. Ὅσα δὲ πιπτόντων ἢ ἄλλῳ τῳ τρόπῳ διακόπτεται καὶ φλᾶται, καὶ ἀνοιδίσκεται τὰ περιέχοντα τὸ ἕλκοσ, καὶ, διαπυήσαντα, πῦον ἀπὸ τῶν οἰδημάτων ἀποχωρέει κατὰ τὸ ἕλκοσ, τῶν τοιούτων ὅ τι ἂν δοκέη δεῖσθαι καταπλάσιοσ, οὐ χρὴ αὐτὸ τὸ ἕλκοσ καταπλάσσειν, ἀλλὰ τὰ περιέχοντα, ὅκωσ τὸ πῦον ἀποχωρέῃ, καὶ τὰ σκληρυνόμενα λαπαχθῇ‧ ἐπειδὰν δὲ λαπαχθῇ, καὶ ἡ φλεγμασίη παύσηται, ἐπὶ τὰ ἀφεστηκότα σπόγγουσ ἐπιδέων προσιστάναι, ἀρχόμενοσ ἀπὸ τοῦ ὑγίεοσ ὀλίγον προσχωρέων‧ ἐπὶ δὲ τῷ σπόγγῳ ἄνωθεν φύλλα ἐπέστω συχνά. Ὅ τι δ’ ἂν μὴ δύνηται προστῆναι, ἡ σὰρξ ὑγρὴ ἐοῦσα αἰτίη ἐστίν‧ ταύτην ἐκβάλλειν. Ἢν ὑπὸ βαθείῃ σαρκὶ τὸ ἕλκοσ ἐῄ, κατ’ ἄμφω κἀκ τῆσ ἐπιδέσιοσ κἀκ τοῦ προσπιέζοντοσ ὑποκιρσοῦται‧ τὸ δὴ τοιοῦτον ἤν τισ τάμνῃ, πρὸσ μήλην, ἢν ἐνδέχηται, εὔροον ἀπὸ τοῦ στόματοσ τὸ ἕλκοσ ἀνατάμνειν, ὅπη ἂν δοκέῃ καιρὸσ εἶναι, καὶ οὕτωσ ἰητρείην προσφέρειν, ὁκοίησ ἂν δοκέῃ προσδεῖσθαι. Ὡσ δὲ τὰ πολλὰ ἐπὶ παντὶ ἕλκει, ὅ τι ἂν κοιλίην ἔχῃ πρὸσ τὸ ἰθὺ, καταφανὲσ ἰδεῖν, οἰδήματοσ μὴ προσεόντοσ‧ [ὅ τι δ’ ἂν κοιλίην ἔχῃ μὴ πρὸσ τὸ ἰθὺ ἢ οἰδήματοσ προσεόντοσ,] ἢν μὲν ἐῄ ἐν αὐτῷ σηπεδὼν, ἢ ἡ σὰρξ ὑπέῃ μυδῶσα καὶ σαπρὴ, ἔσται τοῦτο τὸ ἕλκοσ καὶ τὰ περιέχοντα τὸ ἕλκοσ ἰδεῖν μέλανα ὑποπέλια‧ καὶ τῶν ἐσθιομένων ἑλκέων, ὅπη ἂν φαγέδαινα ἐνέῃ, ἰσχυρότατά τε νέμηται καὶ ἐσθίῃ, ταύτῃ τοῦ ἕλκεοσ τὸ περιέχον χροιὴν ἕξει μέλαιναν ὑποπέλιον.

일치하는 문장이 없습니다.

SEARCH

MENU NAVIGATION