헬라어 문장 검색 - Ηιπποξ́Οευϝρεσ́05́01́0́

(히포크라테스, Oeuvres Completes D'Hippocrate., ΠΕΡΙ ΕΛΚΩΝ., 1.)

Ἕλκεα ξύμπαντα οὐ χρὴ τέγγειν, πλὴν οἴνῳ, ἢν μὴ ἐν ἄρθρῳ ἐῄ τὸ ἕλκοσ τὸ γὰρ ξηρὸν τοῦ ὑγιέοσ ἐγγυτέρω ἐστὶ, καὶ τὸ ὑγρὸν τοῦ μὴ ὑγιέοσ‧ τὸ γὰρ ἕλκοσ ὑγρόν ἐστι, τὸ δὲ ὑγιὲσ ξηρόν. Ἀνεπίδετον δὲ εᾷν ἄμεινόν ἐστιν, ὅ τι γε μὴ καταπλάσσεται‧ οὐδὲ καταπλάσσειν ἐνδεχόμενόν ἐστιν ἔνια τῶν ἑλκέων, μᾶλλον δὲ τὰ νεότρωτα τῶν παλαιοτέρων, καὶ τὰ ἐν τοῖσιν ἄρθροισιν. Ὀλιγοσιτέειν τε ὡσ μάλιστα καὶ ὕδωρ ξυμφέρει πᾶσι τοῖσιν ἕλκεσι, μᾶλλον δὲ τοῖσι νεοτρώτοισι τῶν παλαιοτέρων, καὶ ὅ τι ἄλλο φλεγμαίνει ἕλκοσ ἢ μέλλει, καὶ ὅ τι σφακελίσαι κίνδυνοσ, καὶ τοῖσιν ἕλκεσι καὶ φλέγμασι τοῖσιν ἐν τοῖσιν ἄρθροισι, καὶ ὅκου σπασμοὺσ κίνδυνοσ ἐπιγενέσθαι, καὶ τοῖσιν ἐν κοιλίῃ τρώμασι, παντῶν δὲ μάλιστα τοῖσιν ἐν κεφαλῇ καὶ μηρῷ κατεαγεῖσι, καὶ ἄλλῳ ᾧ κάτηξισ ἂν γένηται, Ἑστάναι δ’ ἕλκεσι ἥκιστα ξυμφέρει, καὶ ἄλλωσ ἢν ἐν τῷ σκέλεϊ ἔχῃ τὸ ἕλκοσ, οὐδὲ καθῆσθαι οὐδὲ πορεύεσθαι‧ ἀλλ’ ἡσυχίη καὶ ἀτρεμίη ξυμφέρει μάλιστα. Τὰ δὲ νεότρωτα ἕλκεα πάντα ἥκιστα ἂν φλεγμήναιεν αὐτά τε καὶ τὰ περιέχοντα, εἴ τισ διαπυί̈σκοι ὡσ τάχιστα, καὶ τὸ πῦον μὴ ἀπολαμβανόμενον ἀπὸ τοῦ ἕλκεοσ τοῦ στόματοσ ἴσχοιτὸ, ἢ εἴ τισ ἀποτρέποι ὅκωσ μηδὲ μελλήσει διαπυῆσαι πλὴν τοῦ ἀναγκαίου πύου ὀλιγίστου, ἀλλὰ ξηρὸν εἶναι ὡσ μάλιστα φαρμάκῳ μὴ περισκελέϊ. Πυρῶδεσ γὰρ γίνεται, ἐπὴν φρίκη ἐγγένηται καὶ σφυγμόσ‧ φλεγμαίνει γὰρ τὰ ἕλκεα τότε, ὁκόταν διαπυῆοαι μέλλῃ‧ διαπυεῖ δὲ, ἀλλοιουμένου τοῦ αἵματοσ καὶ θερμανθέντοσ, ἑώσ σαπὲν πῦον γένηται. Τῶν τοιούτων ἑλκέων, ὅταν δοκέῃ δεῖσθαι καταπλάσιοσ, οὐ χρὴ αὐτὸ τὸ ἕλκοσ καταπλάσσειν, ἀλλὰ τὰ περιέχοντα, ὅκωσ τὸ πῦον ἀποχωρέῃ, καὶ τὰ σκληρυνόμενα μαλαχθῇ. Τῶν δὲ ἑλκέων, ὅπερ μὲν ἂν ὀξέϊ βέλεϊ διατμηθῇ ἢ διακοπῇ, ἐνδέχεται ἔναιμον φάρμακον καὶ τὸ κωλῦον διαπυεῖν ἀναξηραῖνόν τι. Ἥ τισ δ’ ὑπὸ τοῦ βέλεοσ ἐφλάσθη καὶ ἐκόπη σὰρξ, ταύτην δὲ ἰητρεύειν, ὅκωσ διάπυοσ ὡσ τάχιστα γένηται‧ ἧσσόν τε γὰρ φλεγμαίνει‧ καὶ ἀνάγκη τὰσ σάρκασ τὰσ φλασθείσασ καὶ κοπείσασ σαπείσασ καὶ πῦον γενομένασ ἐκτακῆναι, ἔπειτα βλαστάνειν νέασ σάρκασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΕΛΚΩΝ., 1.

(히포크라테스, Oeuvres Completes D'Hippocrate., ΠΕΡΙ ΕΛΚΩΝ., 1.)

상위

목록

SEARCH

MENU NAVIGATION