헬라어 문장 검색 - Ηιπποξ́Ηιπποξρ́2́24́0́

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xxiv.)

Τὸ μὲν οὖν ὅλον καὶ τὸ ἅπαν οὕτωσ ἔχει περί τε τῆσ Εὐρώπησ καὶ τῆσ Ἀσίησ. ἔνεισι δὲ καὶ ἐν τῇ Εὐρώπῃ φῦλα διάφορα ἕτερα ἑτέροισι καὶ τὰ μεγέθεα καὶ τὰσ μορφὰσ καὶ τὰσ ἀνδρείασ. τὰ δὲ διαλλάσσοντα ταὐτά ἐστιν, ἃ καὶ ἐπὶ τῶν πρότερον εἴρηται. ἔτι δὲ σαφέστερον φράσω. ὁκόσοι μὲν χώρην ὀρεινήν τε οἰκέουσι καὶ τρηχεῖαν καὶ ὑψηλὴν καὶ ἔνυδρον, καὶ αἱ μεταβολαὶ αὐτοῖσι γίνονται τῶν ὡρέων μέγα διάφοροι, ἐνταῦθα εἰκὸσ εἴδεα μεγάλα εἶναι καὶ πρὸσ τὸ ταλαίπωρον καὶ τὸ ἀνδρεῖον εὖ πεφυκότα, καὶ τό τε ἄγριον καὶ τὸ θηριῶδεσ αἱ τοιαῦται φύσιεσ οὐχ ἥκιστα ἔχουσιν. ὁκόσοι δὲ κοῖλα χωρία καὶ λειμακώδεα καὶ πνιγηρὰ καὶ τῶν θερμῶν πνευμάτων πλέον μέροσ μετέχουσιν ἢ τῶν ψυχρῶν ὕδασί τε χρέονται θερμοῖσιν, οὗτοι δὲ μεγάλοι μὲν οὐκ ἂν εἰήσαν οὐδὲ κανονίαι, ἐσ εὖροσ δὲ πεφυκότεσ καὶ σαρκώδεεσ καὶ μελανότριχεσ, καὶ αὐτοὶ μέλανεσ μᾶλλον ἢ λευκότεροι, φλεγματίαι δὲ ἧσσον ἢ χολώδεεσ‧ τὸ δὲ ἀνδρεῖον καὶ τὸ ταλαίπωρον ἐν τῇ ψυχῇ φύσει μὲν οὐκ ἂν ὁμοίωσ ἐνείη, νόμοσ δὲ προσγενόμενοσ ἀπεργάζοιτ’ ἄν. καὶ εἰ μὲν ποταμοὶ ἐνείησαν ἐν τῇ χώρῃ, οἵτινεσ ἐκ τῆσ χώρησ ἐξοχετεύουσι τό τε στάσιμον καὶ τὸ ὄμβριον, οὗτοι ἂν ὑγιηροί τε εἰήσαν καὶ λαμπροί. εἰ μέντοι ποταμοὶ μὲν μὴ εἰήσαι, τὰ δὲ ὕδατα λιμναῖά τε καὶ στάσιμα πίνοιεν καὶ ἑλώδεα, ἀνάγκη τὰ τοιαῦτα εἴδεα προγαστρότερα καὶ σπληνώδεα εἶναι. ὁκόσοι δὲ ὑψηλήν τε οἰκέουσι χώρην καὶ λείην καὶ ἀνεμώδεα καὶ ἔνυδρον, εἰε͂ν ἂν εἴδεα μεγάλοι καὶ ἑωυτοῖσι παραπλήσιοι‧ ἀνανδρότεραι δὲ καὶ ἡμερώτεραι αἱ γνῶμαι. ὁκόσοι δὲ λεπτά τε καὶ ἄνυδρα καὶ ψιλά, τῇσι μεταβολῇσι τῶν ὡρέων οὐκ εὔκρητα, ἐν ταύτῃ τῇ χώρῃ τὰ εἴδεα εἰκὸσ σκληρά τε εἶναι καὶ ἔντονα καὶ ξανθότερα ἢ μελάντερα καὶ τὰ ἤθεα καὶ τὰσ ὀργὰσ αὐθάδεάσ τε καὶ ἰδιογνώμονασ. ὅκου γὰρ αἱ μεταβολαί εἰσι πυκνόταται τῶν ὡρέων καὶ πλεῖστον διάφοροι αὐταὶ ἑωυτῇσιν, ἐκεῖ καὶ τὰ εἴδεα καὶ τὰ ἤθεα καὶ τὰσ φύσιασ εὑρήσεισ πλεῖστον διαφερούσασ. Μέγισται μὲν οὖν εἰσιν αὗται τῆσ φύσιοσ αἱ διαλλαγαί, ἔπειτα δὲ καὶ ἡ χώρη, ἐν ᾗ ἄν τισ τρέφηται καὶ τὰ ὕδατα. εὑρήσεισ γὰρ ἐπὶ τὸ πλῆθοσ τῆσ χώρησ τῇ φύσει ἀκολουθέοντα καὶ τὰ εἴδεα τῶν ἀνθρώπων καὶ τοὺσ τρόπουσ. ὅκου μὲν γὰρ ἡ γῆ πίειρα καὶ μαλθακὴ καὶ ἔνυδροσ, καὶ τὰ ὕδατα κάρτα μετέωρα, ὥστε θερμὰ εἶναι τοῦ θέρεοσ καὶ τοῦ χειμῶνοσ ψυχρά, καὶ τῶν ὡρέων καλῶσ κεῖται, ἐνταῦθα καὶ οἱ ἄνθρωποι σαρκώδεέσ εἰσι καὶ ἄναρθροι καὶ ὑγροὶ καὶ ἀταλαίπωροι καὶ τὴν ψυχὴν κακοὶ ὡσ ἐπὶ τὸ πολύ. τό τε Ῥᾴθυμον καὶ τὸ ὑπνηρὸν ἔνεστιν ἐν αὐτοῖσ ἰδεῖν‧ ἔσ τε τὰσ τέχνασ παχέεσ καὶ οὐ λεπτοὶ οὐδ’ ὀξέεσ. ὅκου δ’ ἐστὶν ἡ χώρη ψιλή τε καὶ ἄνυδροσ καὶ τρηχεῖα καὶ ὑπὸ τοῦ χειμῶνοσ πιεζομένη καὶ ὑπὸ τοῦ ἡλίου κεκαυμένη, ἐνταῦθα δὲ σκληρούσ τε καὶ ἰσχνοὺσ καὶ διηρθρωμένουσ καὶ ἐντόνουσ καὶ δασέασ ἴδοισ. τό τε ἐργατικὸν ἐνεὸν ἐν τῇ φύσει τῇ τοιαύτῃ καὶ τὸ ἄγρυπνον, τά τε ἤθεα καὶ τὰσ ὀργὰσ αὐθάδεασ καὶ ἰδιογνώμονασ, τοῦ τε ἀγρίου μᾶλλον μετέχοντασ ἢ τοῦ ἡμέρου, ἔσ τε τὰσ τέχνασ ὀξυτέρουσ τε καὶ συνετωτέρουσ καὶ τὰ πολέμια ἀμείνουσ εὑρήσεισ‧ καὶ τἄλλα τὰ ἐν τῇ γῇ φυόμενα πάντα ἀκόλουθα ἐόντα τῇ γῇ. αἱ μὲν ἐναντιώταται φύσιέσ τε καὶ ἰδέαι ἔχουσιν οὕτωσ. ἀπὸ δὲ τούτων τεκμαιρόμενοσ τὰ λοιπὰ ἐνθυμεῖσθαι, καὶ οὐχ ἁμαρτήσῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xxiv.

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xxiv.)

상위

목록

SEARCH

MENU NAVIGATION