헬라어 문장 검색 - Ηιπποξ́Ηιπποξρ́2́23́0́

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xxiii.)

Περὶ μὲν οὖν τῶν Σκυθέων οὕτωσ ἔχει τοῦ γένεοσ. τὸ δὲ λοιπὸν γένοσ τὸ ἐν τῇ Εὐρώπῃ διάφορον αὐτὸ ἑωυτῷ ἐστι καὶ κατὰ τὸ μέγεθοσ καὶ κατὰ τὰσ μορφὰσ διὰ τὰσ μεταλλαγὰσ τῶν ὡρέων, ὅτι μεγάλαι γίνονται καὶ πυκναί, καὶ θάλπεά τε ἰσχυρὰ καὶ χειμῶνεσ καρτεροὶ καὶ ὄμβροι πολλοὶ καὶ αὖτισ αὐχμοὶ πολυχρόνιοι καὶ πνεύματα, ἐξ ὧν μεταβολαὶ πολλαὶ καὶ παντοδαπαί. ἀπὸ τούτων εἰκὸσ αἰσθάνεσθαι καὶ τὴν γένεσιν ἐν τῇ συμπήξει τοῦ γόνου ἄλλοτε ἄλλην καὶ μὴ τῷ αὐτῷ τὴν αὐτὴν γίνεσθαι ἔν τε τῷ θέρει καὶ τῷ χειμῶνι μηδὲ ἐν ἐπομβρίῃ καὶ αὐχμῷ. διότι τὰ εἴδεα διηλλάχθαι νομίζω τῶν Εὐρωπαίων μᾶλλον ἢ τῶν Ἀσιηνῶν καὶ τὰ μεγέθεα διαφορώτατα αὐτὰ ἑωυτοῖσ εἶναι κατὰ πόλιν ἑκάστην. αἱ γὰρ φθοραὶ πλείονεσ ἐγγίνονται τοῦ γόνου ἐν τῇ συμπήξει ἐν τῇσι μεταλλαγῇσι τῶν ὡρέων πυκνῇ σιν ἐούσῃσιν ἢ ἐν τῇσι παραπλησίῃσι καὶ ὁμοίῃσι. περί τε τῶν ἠθέων ὁ αὐτὸσ λόγοσ‧ τό τε ἄγριον καὶ τὸ ἄμεικτον καὶ τὸ θυμοειδὲσ ἐν τῇ τοιαύτῃ φύσει ἐγγίνεται. αἱ γὰρ ἐκπλήξιεσ πυκναὶ γινόμεναι τῆσ γνώμησ τὴν ἀγριότητα ἐντιθέασι, τὸ δὲ ἥμερόν τε καὶ ἤπιον ἀμαυροῦσι. διὸ καὶ εὐψυχοτέρουσ νομίζω τοὺσ τὴν Εὐρώπην οἰκέοντασ εἶναι ἢ τοὺσ τὴν Ἀσίην. ἐν μὲν γὰρ τῷ αἰεὶ παραπλησίῳ αἱ Ῥᾳθυμίαι ἔνεισιν, ἐν δὲ τῷ μεταβαλλομένῳ αἱ ταλαιπωρίαι τῷ σώματι καὶ τῇ ψυχῇ. καὶ ἀπὸ μὲν ἡσυχίησ καὶ Ῥᾳθυμίησ ἡ δειλίη αὔξεται, ἀπὸ δὲ τῆσ ταλαιπωρίησ καὶ τῶν πόνων αἱ ἀνδρεῖαι. διὰ τοῦτό εἰσι μαχιμώτεροι οἱ τὴν Εὐρώπην οἰκέοντεσ καὶ διὰ τοὺσ νόμουσ, ὅτι οὐ βασιλεύονται ὥσπερ οἱ Ἀσιηνοί. ὅκου γὰρ βασιλεύονται, ἐκεῖ ἀνάγκη δειλοτάτουσ εἶναι. εἴρηται δέ μοι καὶ πρότερον. αἱ γὰρ ψυχαὶ δεδούλωνται καὶ οὐ βούλονται παρακινδυνεύειν ἑκόντεσ εἰκῇ ὑπὲρ ἀλλοτρίησ δυνάμιοσ. ὅσοι δὲ αὐτόνομοι‐‐ὑπὲρ ἑωυτῶν γὰρ τοὺσ κινδύνουσ αἱρεῦνται καὶ οὐκ ἄλλων‐‐προθυμεῦνται ἑκόντεσ καὶ ἐσ τὸ δεινὸν ἔρχονται. τὰ γὰρ ἀριστεῖα τῆσ νίκησ αὐτοὶ φέρονται. οὕτωσ οἱ νόμοι οὐχ ἥκιστα τὴν εὐψυχίην ἐργάζονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xxiii.

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xxiii.)

상위

목록

SEARCH

MENU NAVIGATION