Hippocrates, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xviii.

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xviii.)

Περὶ δὲ τῶν λοιπῶν Σκυθέων τῆσ μορφῆσ, ὅτι αὐτοὶ αὐτοῖσιν ἐοίκασι καὶ οὐδαμῶσ ἄλλοισ, ωὑτὸσ λόγοσ καὶ περὶ τῶν Αἰγυπτίων, πλὴν ὅτι οἱ μὲν ὑπὸ τοῦ θερμοῦ εἰσι βεβιασμένοι, οἱ δὲ ὑπὸ τοῦ ψυχροῦ. ἡ δὲ Σκυθέων ἐρημίη καλευμένη πεδιάσ ἐστι καὶ λειμακώδησ καὶ ψιλὴ καὶ ἔνυδροσ μετρίωσ. ποταμοὶ γάρ εἰσι μεγάλοι, οἳ ἐξοχετεύουσι τὸ ὕδωρ ἐκ τῶν πεδίων. ἐνταῦθα καὶ οἱ Σκύθαι διαιτεῦνται, Νομάδεσ δὲ καλεῦνται, ὅτι οὐκ ἔστιν οἰκήματα, ἀλλ’ ἐν ἁμάξῃσιν οἰκεῦσιν. αἱ δὲ ἅμαξαί εἰσιν αἱ μὲν ἐλάχισται τετράκυκλοι, αἱ δὲ ἑξάκυκλοι‧ αὗται δὲ πίλοισ περιπεφραγμέναι‧ εἰσὶ δὲ καὶ τετεχνασμέναι ὥσπερ οἰκήματα τὰ μὲν διπλᾶ, τὰ δὲ τριπλᾶ. ταῦτα δὲ καὶ στεγνὰ πρὸσ ὕδωρ καὶ πρὸσ χιόνα καὶ πρὸσ τὰ πνεύματα. τὰσ δὲ ἁμάξασ ἕλκουσι ζεύγεα τὰσ μὲν δύο, τὰσ δὲ τρία βοῶν κέρωσ ἄτερ. οὐ γὰρ ἔχουσι κέρατα ὑπὸ τοῦ ψύχεοσ. ἐν ταύτῃσι μὲν οὖν τῇσιν ἁμάξῃσιν αἱ γυναῖκεσ διαιτεῦνται. αὐτοὶ δ’ ἐφ’ ἵππων ὀχεῦνται οἱ ἄνδρεσ. ἕπονται δὲ αὐτοῖσ καὶ τὰ πρόβατα τὰ ἐόντα καὶ αἱ βόεσ καὶ οἱ ἵπποι. μένουσι δ’ ἐν τῷ αὐτῷ τοσοῦτον χρόνον, ὅσον ἂν ἀποχρῇ αὐτοῖσι τοῖσ κτήνεσιν ὁ χόρτοσ‧ ὁκόταν δὲ μηκέτι, ἐσ ἑτέρην χώρην ἔρχονται. αὐτοὶ δ’ ἐσθίουσι κρέα ἑφθὰ καὶ πίνουσι γάλα ἵππων. καὶ ἱππάκην τρώγουσι‧ τοῦτο δ’ ἐστὶ τυρὸσ ἵππων.

일치하는 문장이 없습니다.

SEARCH

MENU NAVIGATION