헬라어 문장 검색 - Ηιπποξ́Ηιπποξρ́2́16́0́

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xvi.)

Καὶ περὶ μὲν τῆσ φύσιοσ τῆσ διαφορῆσ καὶ τῆσ μορφῆσ τῶν ἐν τῇ Ἀσίῃ καὶ τῇ Εὐρώπῃ οὕτωσ ἔχει. περὶ δὲ τῆσ ἀθυμίησ τῶν ἀνθρώπων καὶ τῆσ ἀνανδρείησ, ὅτι ἀπολεμώτεροί εἰσι τῶν Εὐρωπαίων οἱ Ἀσιηνοὶ καὶ ἡμερώτεροι τὰ ἤθεα αἱ ὡρ͂αι αἴτιαι μάλιστα, οὐ μεγάλασ τὰσ μεταβολὰσ ποιεύμεναι οὔτε ἐπὶ τὸ θερμὸν οὔτε ἐπὶ τὸ ψυχρόν, ἀλλὰ παραπλησίωσ. οὐ γὰρ γίνονται ἐκπλήξιεσ τῆσ γνώμησ οὔτε μετάστασισ ἰσχυρὴ τοῦ σώματοσ, ἀφ’ ὅτων εἰκὸσ τὴν ὀργὴν ἀγριοῦσθαί τε καὶ τοῦ ἀγνώμονοσ καὶ θυμοειδέοσ μετέχειν μᾶλλον ἢ ἐν τῷ αὐτῷ αἰεὶ ἐόντα. αἱ γὰρ μεταβολαί εἰσι τῶν πάντων αἱ ἐπεγείρουσαι τὴν γνώμην τῶν ἀνθρώπων καὶ οὐκ ἐῶσαι ἀτρεμίζειν. διὰ ταύτασ ἐμοὶ δοκεῖ τὰσ προφάσιασ ἄναλκεσ εἶναι τὸ γένοσ τὸ Ἀσιηνὸν καὶ προσέτι διὰ τοὺσ νόμουσ. τῆσ γὰρ Ἀσίησ τὰ πολλὰ βασιλεύεται. ὅκου δὲ μὴ αὐτοὶ ἑωυτῶν εἰσι καρτεροὶ οἱ ἄνθρωποι μηδὲ αὐτόνομοι, ἀλλὰ δεσπόζονται, οὐ περὶ τούτου αὐτοῖσιν ὁ λόγοσ ἐστίν, ὅκωσ τὰ πολέμια ἀσκήσωσιν, ἀλλ’ ὅκωσ μὴ δόξωσι μάχιμοι εἶναι. οἱ γὰρ κίνδυνοι οὐχ ὁμοῖοί εἰσι. τοὺσ μὲν γὰρ στρατεύεσθαι εἰκὸσ καὶ ταλαιπωρεῖν καὶ ἀποθνῄσκειν ἐξ ἀνάγκησ ὑπὲρ τῶν δεσποτέων ἀπό τε παιδίων καὶ γυναικὸσ ἐόντασ καὶ τῶν λοιπῶν φίλων. καὶ ὁκόσα μὲν ἂν χρηστὰ καὶ ἀνδρεῖα ἐργάσωνται, οἱ δεσπόται ἀπ’ αὐτῶν αὔξονταί τε καὶ ἐκφύονται, τοὺσ δὲ κινδύνουσ καὶ θανάτουσ αὐτοὶ καρποῦνται. ἔτι δὲ πρὸσ τούτοισι τῶν τοιούτων ἀνθρώπων ἀνάγκη ἐρημοῦσθαι τὴν γῆν ὑπό τε πολεμίων καὶ ἀργίησ, ὥστε καὶ εἴ τισ φύσει πέφυκεν ἀνδρεῖοσ καὶ εὔψυχοσ, ἀποτρέπεσθαι τὴν γνώμην ὑπὸ τῶν νόμων. μέγα δὲ τεκμήριον τούτων‧ ὁκόσοι γὰρ ἐν τῇ Ἀσίῃ Ἕλληνεσ ἢ βάρβαροι μὴ δεσπόζονται, ἀλλ’ αὐτόνομοί εἰσι καὶ ἑωυτοῖσι ταλαιπωρεῦσιν, οὗτοι μαχιμώτατοί εἰσι πάντων‧ τοὺσ γὰρ κινδύνουσ ἑωυτῶν πέρι κινδυνεύουσι, καὶ τῆσ ἀνδρείησ αὐτοὶ τὰ ἆθλα φέρονται καὶ τῆσ δειλίησ τὴν ζημίην ὡσαύτωσ. εὑρήσεισ δὲ καὶ τοὺσ Ἀσιηνοὺσ διαφέροντασ αὐτοὺσ ἑωυτῶν, τοὺσ μὲν βελτίονασ, τοὺσ δὲ φαυλοτέρουσ ἐόντασ. τούτων δὲ αἱ μεταβολαὶ αἴτιαι τῶν ὡρέων, ὥσπερ μοι εἴρηται ἐν τοῖσ προτέροισι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xvi.

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xvi.)

상위

목록

SEARCH

MENU NAVIGATION